أم جنى

هو تصرفها غريب يعني يمكن مثلا انتبهوا أهل زوجك انها مطنشاك فسألوها ايش فيه راحت رسلت لأخوك مسج انه انتي اللي متغيرة عشان تتدارك الموضوع

بس شوفي طالما انكم تمونوا على بعض...خلاص اذا شفتيها واجهيها قوليلها انه اي شي بينكم ترجعلك انت فقط ماله دخل زوجك في الموضوع...وقوليلها انك كنت منتظرة تبرير مو تقلب الآية تطلعك انت متغيرة عليها..قوليلها شوفي رد على رسايلي أنا ما كنت أنتظره بس حتى معاملتك لي وجها لوجه اتغيرت اذا تحسيني مثقلة عليكي قولي بس لا تخليني أسألك ايش فيكي وتطنشي فترة بعدين فجأة تطلعيني انا متغيرة

وبس تكوني سويت اللي عليكي.....وساعتها المفروض اي اجتماع بعدها ما يكون بينكم شي يعني يذوب الجليد على ما يقولوا

:26:

لازم تقعدي معاها و تشووفي شوو سالفتها ممكن يكون سوء تفاهم بسيط
لا تخلين الشيطان يدخل مابينكن

انا برايي اتقي شر الحموات اقصد اخت الزوج طبعا مو كلهم بس انا انقرصت من اخت زوجي اهي متزوجه عقب ما كنا صديقات ونطلع مع بعض وتلفونات عمري ماراح انسى الي سوته فيني يوم انها فرقت بيني وبين زوجي وعيالنا تشتتوا ولسانها الطويل عليي وعلى امي صحيح ان انا وزوجي ردينا لبعض بس خليت علاقتي فيها رسميه حتى رقمي ماتعرفه ولا ابيها تعرفه وانا مااعرف رقمها ولا ابي اعرفه حتى سوالف مااكثر معاها واحيانا اذا زارت اهلها اقعد شويه وبعدين اروح غرفتي وليلحين اقول حسبي الله ونعم الوكيل فيها واتمنى اني اشوف فيها يوم صراحه اتعظت نصيحتي لك خلك معاها رسميه احسن لا تترجينها تبيك تكلمك ما تبيك كيفها لا تعورين قلبك واطرشين لها مسجات وبعدين تحقرك طنشيها خليها اهي الي تيي لك عشان تعرف ان انت عندك كرامه

<<<<<<< داخله طمعانه في الدعاء :27:

اختي اخاف غيرت رقمها وأضافت الخمسه بدل الصفر وصرتي ترسلين لرقمها القديم :42:

اذا انتي متأكده ان رقمك ورقمها ماتغير فيهم شي مالك إلا المواجهه مثل ماقالت اختي مشاعل السعوديه

صارحيها قولي لها مثل ماتقولين لصديقتك ، وش فيك ارسل لك رسايل مارديتي علي ضيقتي صدري

حسيت انك متغيره علي ، انا غلطت في شي والا انتي كنتي متضايقه من موضوع ومابغيتيني اعرف .

وقوليلها اتمنى انك تعتبريني صديقه وتكونين صريحه معي ، اما ان كنتي تعامليني كزوجة اخو وبس

فهذا شي ثاني . احتمال ان احد فتن بينكم أو نقل لها كلام عنك او شي ، اسأليها وش اللي مخليها

ماترد عليك ثم تقول لاخوك هالكلام ، يمكن تكون عندها مشكله كبيره بعد وماتقدر تكلمك عشان

ماتخر بالسالفه وتعلمك ، يمكن موضوع حساس أو صعب تقوله لأحد فقالت تبعد وماتفضفض .

أنا اقول صححي الوضع قبل لايتأزم وخذي موقف معها بشكل عاجل وان شاء الله ترجع المياه لمجاريها

وبالتوفيق :26:

مرحبااااااااا
انسي الموضوع كله وتكلمي عادي معها وعامليها عادي ولا كانه شي صاير وطلا تتحرشين فيها واغلبيها بالكلام الحلو وهي راح تنحرج منك
وحاولي تكون علاقتك رسميه مع الكل