عسى ربي يرزقها م واسع فضله اللي ترشدني عن حالة ولدي

السلام عليكم ورحمة الله وبركاته
مبارك عليكم الشهر المبارك
بنات انا اواجهه مشكلات بطفلي وبما انه البكر ماسبق جربت قبله احد
اول شى طفلي عمره سنتين عنيد بشكل كبير يعني شى يبيه ياخذه بصياح والعصبيه وثاني شى عصبي يصرخ كثير اغلب وقته معصب عشان فيه اشياء يبيها انا ماترضيني وفيه صفه هذي مررره اتعبتني م المجتمع اللي حولي عدواني وبس يتضارب مع الأطفال حتى اغراضهم يجي ياخذه كانه له وكل شوي الاحقه اكثر شى اخاف منه يضرب احد والا هو حقه ياخذه كلن يخاف منه ههههه
المشكله هذي دايم بالمول وبالمناسبات صرت أكره الناس عشان ولدي اخاف يضر احد وانا والله مو بيدي تعبت ضرب وظربته وهواش وكل شى والا الاحظ عليه الا الزياده
اتمنى تخبروني كيف اتعامل معاه احيانا اقول الغلط مني ماعرفت اتعامل معاه وأحيانا اقول طفلي مو طبيعي
الله يسعدكم في الشهر الفضيل خبروني كيف اتعامل وياه ولكم دعوه خاصه للي تدعي له ربي يصلحه لي ويجعله يصير طفل مؤدب خلوق صالح يارب