عسى ربي يفك كربتي (موضوع دراستي)

أختي ادرسي الموضوع من جميع النواحي
وماتدرين وش الخيرة فيه

بالنسبة لأخوك ..
أنت تعرفين هل هو من النوع اللي يعتمد عليه ولا بيصير يعتمد عليك؟
وبدل ماتدبرين نفسك تتحملين مسؤوليته زيادة

أنت استخيري .. والله يكتب لك اللي فيه الخير

اهلين اختي ربي يكتب لك اللي فيه الخير
ما خاب من استخار استخيري رب العالمين وان كان لك فيها خير بتتيسر لك
وانا اوافق الاخت ام دحومي رايها ادرسي الموضوع والاهم اخوك يكون قدها حتى ما يكون عبء عليك
وربي يوفقك وين ما كان دربك وينور طريقك ويسهل امرك

الله يكتب لك الخير
بس حبيت اقولك
ترى الغربة اببببببببد مو سهله، اول الشهور تصيرين فرحانه بعدين خلاص تصير الامور صعبه و غربه بمعنى الكلمة، لذلك صعب جدا تروحين مع اخوك حتى لو كان عمره 25 صدقيني مرة الموضوع مو سهل
انا برأي لو ابوك يوافق يروح معك اكيد ابقولك روحي بس مع اخوك لاااااااااا و الف لا
و اذا ما سمحت لك الظروف لا تتخلين عن حلمك، قدمي على الماستر في السعودية بكل الجامعات و تتسهل، انتي ايش تخصصك؟

السلام عليكم

حبيبتي في البدايه استخيري.

بعد ماتستخيري اي شي راح يصير اعرفي انه خيره لك


ثانيا
جزء كبير من الموضوع يعتمد اختيارك للمدينه وللبلد
يعني مثلا لو اخترتي كندا تجي مدينة تورنتو يختلف 180 درجه لو اخترتي مدينة مونتريال ..وهكذا

ثالث شي
مو مشكله يكون اخوكي معاكي انا عايشه مع اخوي حاليا هو اكبر مني بثلاث سنوات وللموضوع سلبيات وايجابيات
بس بغض النظر عن كللللللل شي ويمكن له سلبيات اكثر الحياه تمشي وهذي فترة مؤقته لكن بغض النظر
ابوكي لازم يجي معك في البدايه على الاقل عشان يشوف البلد ويرتاح نفسيا ويعرف انك راح يكون لبسك محتشم وحجابك مثل ماهو وهكذا
صدقيني مهم جدا انك تعرفي اهلك بالبئه اللي راح تكوني فيها
وعلى فكره لما يكون اهلك قلبهم متطمن ومرتاحين نفسيا هالشي راح ينقلب على نفسيتك والعكس بعد لاتتوقعي ابدا انك ممكن تصيري سعيده لو اهلك مو راضيين ومقتنعين %100
مثلا انا لما كنت في ثالث ثانوي كنت اسوي كذا مقابله في كذا جامعه وكان نفسي ادرس في جامعه معينه بعيده عن البيت حوالي ساعه مع انه انا جنب بيتي جامعة تورنتو خمس دقايق طريق
المهم يوم صارت المقابله في الجامعه البعيده اخذت ابوي معاي عشان يشوفها ومع انها كانت احلى واروع واعجبتني اكثر الف مره وجدا تحمست لها لكن ابوي كان ساكت طول الوقت ماكان يقول شي وحسيته مو مرتاح
ومع انه هو ما عارض ولا شي بس انا من نفسي قررت اني اسجل في جامعة تورنتو جنب بيتي لأنه قلبي ما ارتاح لما شفت ابوي حبيبي مو مرتاح ومع انه اختياري جنيت من وراه مشاكل كثير لكن نفسيا انا مرتاحه في قراري
فهمتي علي قصدي؟ مهم جدا انك تريحي نفسية اهلك وتطمنيهم ولا تقول ياستحي ولا اخجل الدعوة مافيها خجل هذا ابوكي حبيبك تاج راسك ماهو شخص غريب عشان تستخي منه

ومثلا لو اخترتي مدينة مثل تورنتو روحو المساجد تفرجو عليها وريه المطاعم الحلال خليه يشوف نسبة المحجبات الكثيره عشان قلبه يتطمن. تعرفي على بنات خلوقات وخلي والدك على صله مع اباءهم كمان عشان يتطمن قلبه
لاتتوقعي انه ترك البنت في الغربه امر سهل
اهلي عاشو في كندا خمس سنوات قبل ما اتغرب وعندهم خلفيه تامه عن البلد ومع كذا سوو بحث كامل ودرسو الموضوع بشكل مطول لما قررو انه اكمل دراستي مع اختي واخوي
وامي لها اسلوب في المراقبه من بعيد لبعيد يعني ماشاء الله اهلي متفتحين وبالنسبه لهم ماكان شعور انه (رمينا بنتنا في بلد غريب وجينا) واللي هو الشعور اللي يمكن يحس فيه ابوكي لاتلوميه انتي فلذة كبده مو لعبه

رابع شي
اخوكي اللي تقول عليه صغير لا والله مو صغير مادام بالغ عاقل خلاص رجال باذن الله
بس اذا كان راح يدرس جامعه بكالوريوس حطي في بالك انه البكالوريوس مجهوده اكثر بكثير من الماسترز وهذا يعني انك انتي اللي راح تعتني فيه مو العكس
ودوام البكالوريوس يوميا بععكس الماسترز يمكن يومين بالاسبوع او كذا
ووجود اخوكي معاك مسؤوليه كبيره من تنظيف وترتيب وطبخ وغيره
بس مو مشكله تخيلي نفسك انك متزوجه وهذي مسؤولياتك يعني وش الفرق؟ انا كذا افكر فيها بالعكس اعتبرها فترة تجربه وتطوير لمهاراتي في البيت وتنظيم الوقت

واللي يقولكم انه ماتعرفو لغه كيف راح تدبرو عمركم لاتشيلي هم لأنه اولا العرب يااااااااااكثرهم في كل مكان
وثانيا اللغه اليوميه اللي تمشي حالك فيها للطواريء راح تتعلميها بالكثير في شهرين بالكثير باذن الله مافي شي يخوف
وثالثا في اسوأ موقف لاسمح الله اسعاف ولا شرطه ولا غيره اذا ماعرفو يتفاهمو معاكم راح يجيبو لكم مترجم يدبركم

يعني الحياه مو فوضى وبالذات لو اخترتي كندا كونها دوله هجره بالدرجه الاولى فكل حاجه فيها مهيئه لغير الناطقين باللغه بشكل كبير حتى شعبها عليه طولة بال وروقان وتحمل وصبر للي مايعرف يتكلم انجليزي مايتأففو او يطفشو لانه كل الشعب في وقت معين كان كذا


بعد كذا صدقيني اذا انتي مستخيره وما اقول انك صليتي استخاره وبس لالا انا اقصد استخيري من قلبك وادعي الله يختار لك الخير من اعماق اعماق قلبك وتيقني انه الخيار اللي راح يصير هو الخير لأنه ربي هو اللي اختاره لك وبعدها صدقيني مهما صار نفسيتك بتكون مرتاحه.
والله مرت علي ظروف جدا صعبه وعكس ماكنت اتمناه تماما بس سبحان الله لاني كنت مستخيره ربي من قلب يوم صار الموقف الصعب صدمتي ماكانت قويه والله اعطاني قوه وطمأنينه اني ارضى بقضاء الله وقدره وانتي باذن الله بتكوني كذا ياقلبي


الله يوفقك ويكتب الخير وين ماكان

يا قلبي انا ما أأيد تجين مع أخوك لأنه لسا صغير وانتي راح تكونين مسؤوله عنه
مو العكس , وزي ما قالت الاخت رغد الحياة البكالريوس مره شغل كثير عكس الماستر

الله يسهل أمرك ويختار لك الصالح