عسى ماازعلتك البارح وزودت الجراح جراح ،،
عسى مامرت الدمعة على اهـدابك من اسبابي
جرحتك من كثر شوقي وخـليت الكلام رماح ،،
ولاادري اشلون ياعمري طـعنتك حيل بعتابي
بدون شعور صدقني ترى كثر الغلا ذباح ،،
تعال وشوف بغيابك غلاك اشلون سوى بي
حرام تغيب من عمري وتعطيني الفراق وشاح ،،
حرام الدمع في عيني مناديله يهدابي
غيابك يشغل عيون الزوايا وامتلي اشباح ،،
وانا انثر صوتك بقلب المكان واشعل ابوابي
تلفت للأمل دام الرجا في عمري المنواح ،،
اناديلك ولو شرهك وصولك تقطع اعصابي
أبيك الجاي من عمري أنا ماابيك شي وراح ،،
مادامك أجمل وآخر مادامك اول احبابي
أبي ارتاح ياعمري أنا ادري هم تبي ترتاح ،،
تعال وقبل ماافرح ترى تفرح بك ثيابي
أحبك يابعد عمر الحزن والجرح والأفراح ،،
أحبك أحبك كثر مانامت عيونك داخل اهدابي
للشاعر / بدر اللامي الشمري
sooooma @sooooma
محررة برونزية
يلزم عليك تسجيل الدخول أولًا لكتابة تعليق.
أصالة أنثى
•
مرررررررره حلوه وتسلمين وانا بعد احب الشعر والقصااااايد
مع ان هالقصيده عندي من زمان بس هم تعجبني واحب اسمعها واقراها
تسلمييييييين سوما على اضافتها
تسلمييييييين سوما على اضافتها
الصفحة الأخيرة