هذا العشاء سويتة لما جوا اصحاب زوجي عندنا..
طريقة الطبخة من عندي ( يعني مو منقولة ) وسميتة دجاج بالكميري..
الأكلة مرررررة حلـــــــوة.. وإن شاء الله تعجبكم إنتوا كمان..
نبدأ بالبهارات المطلوبة..( خذي نص ملعقة الأكل من كل شئ تقريباً )..
وهذي صورتها..
الصورة الأولى
(نبدأ من اليمين) مسحوق الثوم و بهار مشكل ومسحوق الكزبرة
الصورة الثانية
بهارات كاري + جنميتوا + فضخة ( الفضخة هيا بهارات حضرمية )
الصورة الثالثة
كميري + ماجي
0
0
0
0
وهذي صورة الكميري بعد ما دقيتة بالهوند..
0
0
دحين نجي لطريقة الطبخة..
أفرمي البصل بالفرامة ( أو بالطريقة اللي تعجبك ) وبعدين حمري البصل
( انا شلت نص الكمية بعد ما أتحمر البصل ) ( يني انتو سوا كمية البصل اللي تناسب الطبخة )..
1_ قطعي صدر الدجاج إلى 3 قطع وحطيها فوق البصل وارجل الدجاج حطيها زي ماهيا فوق البصل..
2_ وحمسيهم على النار..
3_ هذي صورتها بعد ما اتحمست وحمرة شوية من التحميس..
1_ بعد ما اتحمرت من التحميس تضيفي عليها جميع البهارات اللي ذكرناها قبل كذا..
2_ حركيها لمدة دقية إلى دقيقتين ثم أضيفي كاسة موية حارة فوقها..
1_ بطاطس وفلفل رومي..
2_ ولما تنشف الموية زيدي كمان موية مرة ثانية ( وذوقي الدجاج )
إذا أستوا ضيفي علية البطاطس والفلفل الرومي وكمان شوية مويا..
( ممكن تستغني عن البطاطس والفلفل الرومي وتنتقلي للخطوة التالية )..
1_ خلي الطبخة على النار لين ما يستوى البطاطس وإذا حسيتي إنة يحتاج موية زيدي شوية..
2_ وقبل التقديم مباشرتاً حطي الدجاج في الفرن تحمير من فوق بس ..
3_ سوي رز وحطي ماء حار على حسب كمية الرز وحطي لكل كاسة رز 1 مرقة ماجي وشوية زيت وشوية جنميتو وكاري وفضخة
( الكاري والفضخة ممكن تستغني عنهم )..
وهذي السفرة.. ولا تنسي السلطة أنا سويت سلطة لبن مع الخيار والجزر..
وبالعافية على قلوبكم...
أتمنى تعجبكم..
ملاحظة: الكميري هوا بهار أندونيسي..
شكلة زي حبة البليلة بس أكبر شوية إسمة كميري.. وينباع في سبرماركت الإندونيسيين << عشان ماتجي وحدة وتقول فين ينباع