صباح الخير ياأحلى بنات كيفكم إن شاء الله تمام
اليوم بنزل لكم عشاي أنا وعمتي الحبيبةإتصلت فيني وقالت زوجي معزوم على عشاء بجي أتعشى وأسمر عندك
أنا وقتها صرت زي كذا:eek: مدري وش أسوي تعرفون حبيبة قلبي عمتي الغالية توها عروسه وودي أسوي شي
يليق بها الله لايحرمني منها وعلى طول على المطبخ وأطلع لحمة واطلع الباذنجان والطماطم
والفلفل الرومي وبديت أنواع المصارعة في الشغل والحمد لله طلعت النتيجة مُرضيه إليكم الصور
متبل
الطريقة خذي باذنجان وغسليها زين مازين وصبي عليها زيت زيتون وقصدريها >>يعني لفيها بورق الألمنيوم القصدير ودخليها الفرن
لحد لما تستوي تكون قدإنهرست شوي على طول قشريها وضعيها في الخلاط مع زبادي وطحينة سايلة ورشة ملح الكمية على حسب الأشخاص
أنا أستخدمت 1 زبادي و2 ملاعق طحينة
سلطة مشويات
جيبي صينية وضعي فيه طماطم>فلفل رومي>بصل>وباذنجان بنفس الطريقة الأولي صبي عليها شوي زيت زيتون ودخليها للفرن لحد ماتذبل وعلى الخلاط على طول بعد ماتقشرين الطماطم ورشي عليها شوي ملح وكمون مطحون وقدميها
همبرغر كذاب>>أعوذ بالله من الكذب
خذي حبتين توست وضعيها فوق بعض وقصي الأطراف وأفرديها لحد ماتصبح الثنتين قطعة وحدة ثم ضعيها في بيض ومن البيض على البقسماط ثم ضعيها في الزيت وبتلاحظين إنها أنتفخت بعد ماتتحمر ضعيها على وررق نشاف عشان يمتص الزت وقطعيها من الوسط وحشيها بالحشوة اللي تحبيها أنا حشيتها دجاج
مصقع باللحم
المصقع ما فيه أسهل منه ضعي في القدر بصل وزيت وبعد مايتحمر ضعي اللحم أنا اللحم اللي حطيتها مومفروم لحم مقطع عادي وضعي البهارت وحركي لحد ماتتشبع اللحمة
بطعم البهارت ضعي الجزر والطماطم والملح والفلفل الأسود وحركيها لحد ماتتسبك ثو ضعي موية بس ماتكون كثيرة عشان يجي المصقع متسبك تمام إذا أستوت اللحمة وصارت
المرقة ثقيلة ضعي الباذنجان>> أنا شويته بالفرن لأني ماأحبه مقلي بصراحة يابنات طلع يجنن
هذي صورة السفر كاملة
وفي الختــــام لا تنسوني من دعواتكم
الله يديم محبتكم