امس سوينا عشاء لذيذ وخفيف وكويس للي مسوين دايت
ممكن يكون غداء برضوا
عبارة عن سباقتي البر تلاقينها بالسوبرماركت الكبيره زي بنده وكارفور
أول شي تُسلق مع زيت زيتون وشوية ملح لما تستوي
وخلطة اللحم اللي فوق عبارة عن لحم مفروم محموس على النار مع ثوم وشوي زيت زيتون
وبهارات زي ماتحبين وصلصة طماطم الجاهزه أو انتي اطحني طماط..وخليهم لما يستوي اللحم..
ولما تستوي المكرونه قدميها وفوقها اللحم المفروم..
طبعاً زوجي مايحب المكرونه :a_smil08:
فسويت طبق ثاني مفيد ولذيذ برضوا..الخضار المسلوقه مع الصوص الأبيض
سلقت بروكلي..وبطاطس مقطع اصابع وكوسه مقطعه اصابع..وفلفل بارد
سلقتهم مع فلفل اسود وزيت زيتون وملح
البروكلي خليته شوي وطلعته عشان مايستوي مره ويفقد فائدته
والباقي خليتهم وماخليتهم يستوون كثير برضوا
والصوص الأبيض عبارة عن زبادي..وجبن سايل قليل الدسم وشوي من الكريمة البيضاء الجاهزه وشوي بس صلصة صويا (شي قليل مره) وشوي ملح وفلفل اسود
حركتهم على النار لما تداخلو مع بعض وصار شكل الصوص يممم
بعدين قدمت الخضار وفوقهم الصوص
وهذي صورة للوصفتين مع بعض..شربت معاهم عصير اناناس وكيوي:pinklove:
وصحة وعافية.
