البارحه جاوني يسمرون عندي اختي و زوجة اخوي
وسويت لهم هالعشوة المتواضعة
الصور تتكلم
زوووم
الطريقة
لحم غنم مقطع بالكمية الي تبين وممكن تستبدلينه بدجاج
كاستين رز منقوع ومغسل زين طبعا تقللين وتزيدين بالكمية براحتك
4 بطاطس متوسطة الحجم ومقشرة ومقسومة من النص
اول شي
نقطع بصلتين متوسطة الحجم بالطول ثم نحمسها بالزيت الين تحمر مثل بصل الكشري
نحطة بالخلاط مع علبه زبادي وبهارات وماجي وثوم فصين او ثلاث وعصرة ليمون وملح
نجيب قدر ضغط ونكب اللحم فيه ومعاه البطاطس
ثم نحط عليه الخليط
ونضغطه لمده 45 د
الرز المنقوع نجيب قدر ثاني ونصب عليه ما ونسلقه بس لا يصير مستوي مره ينجح بس مو مره ان شا الله فهمتو قصدي>>> خانني التعبير
بنات نصيحه اذا جيتو تنقعون الرز صبو مويه مغليه وحطو عليه ملح بعدها غسلو الرز ولمن تحطونه عالنار عشان تطبخونة احرصو تكون المويه مغليه عشان الرز حباته تصير واقفه ولاتنهرس
المهم بعد ما يستوي اللحم والرز نكب الرز على اللحم في قدرالضغط اذا الرز مانشفت مويته صفيه من المويه اول شي واحنا نحط الرز نضغط عليه بالملاس
ثم نجيب صبغة الزعفران ونحط عليه شويه مويه ونصبها عالرز الابيض
ونشغل النار شويه الين يستوي الرز بالمره يعني مايخذ وقت وبهالوقت نولع على فحمه صغيرة
وبعد ما نصكر النار نحط بصحن صغير سمن بري او زيت وندخله بالقدر نثبته بوسط الرز عشان نبخره ثم نحط الجمره عليها ونصكر القدر ونخليه يتبخر
وبعدها نكت الرز بالصحن ونقدم بالعافيه
قدمت معاه سلطة زبادي عباره عن زبادي وذرة حلوة ونعناع وملعقة صغيرة طحينه وملح وزينته بالنعناع
وسمبوسه لحمه بقايا رمضان الله يعيده علينا
اللهم ادمها نعمه وامنعها من الزوال
اختكم حبيm
تسلم الأيادي