كيفكم يا حوائيات ان شاء الله بطونكم فاضيه خخخخخخخ
جيتكم بالمفيد صينية مكرونه شهيه ولذيذه لاخر حبه واحلى ما فيها ما تاخذ وقت تصلح عشا او تنحط عالبوفيه
او طبق جانبي عالغدا
بخليكم تشوفون المقادير مع الطريقه على طول
نبدا
نفرم بصله صغيره ونحطها بقدر عالنار مع شويه زيت وفص ثوم مفروم
وبعد ما تذبل نحط عليها رشه ملح ومكعب ماجي وبهارات (فلفل وكمون وكزبره ناشفه وبابريكا ) وملعقه كبيره صلصه وحبه جزر مبشوره ناعم
ونقلبها ونضيف لها شويه مويه مو كثير ونتركها تقريبا خمس دقايق
وبعدين نحط عليها علبتين تونا بعد ما نصفيها من الزيت
ونقلبها ونتركها دقيقتين
وفي قدر ثاني نسلق نص علبه مكرونه مع شويه زيت وملح
ونصفيها ونرجعها للقدر ونحط عليها خليط التونا
ونقلبها زين ونغرفها بصينية الفرن ونرش عليها جبنه انا حطيت شدر يعطيها طعم خطييير ومره جربت الموزاريلا بس ما عجبتني كل واحد وذوقه
ندخلها الفرن لحد ما تذوب الجبنه ونقدمها
وهنا صورة الصينيه مع باقي العشا شربة شوفان رز مشخول ومفروم معصج وصلطه خضرا
اتمنى تعجبكم ولو جربتوها ماراح تندمون
وعلى فكره انا في الغالب اسويها بصدور الدجاج تطلع اطعم وطبعا ازود المويه ومدة الطبخ
واحب اسويها لعيالي لما يكون ابوهم معزوم ما تاخذ وقت و لا تستهلك مواعين خخخخخخخخخخ اهم شي