هذا عشانا يوم جونا بنات خالتي خفيف ومنوع بس لذيذ واعجبهم والحمد لله
معليش م توقعت اني انزله ب المنتدى يعني بس الشكل النهائي م صورت كل طبق لحاله
هذي السفره
وعليها من البدايه
@ســــلطه زهره
المقادير :
زهره مقطعه صغار ومقليه
خيار
ذره علب
ملفوف مفروم
الصوص :نص علبه زبادي +صلصه الرانش +شوي خل +فصين ثوم مبشور
على الوجه بطاطس شيبس اللي يجي بعلب معدن
ساندويشات الشاورما @
طعمها روعه
دجاجه مسلوقه ومنتفه نحطها بصوص
2 زبادي
فنجال زيت (فنجال قهوه عربيه)
ثوم حسب الرغبه
ملح وفلفل اسود
ونحطهم بصينيه بايركس وب الفرن من فق ونقلبهم
لحد م تتحمر بس لاتخلينها يابسه مره الاحسن
يكون فيها شوي رطوبه
ونجيب لخبزه ونحط ومايونيز ومخلل خيار وبطاطس مقلي وكميه من الدجاج ونلفها
مكرونه ب الباشميل @
مكرونه مسلوقه
الحشوه
لحم مفروم وخضار مشكله وشوي كزبره وماجي
وبهارات
الباشميل :فنجال زيت +خمس ملاعق طحين نخلطهم لين يشقرون ونضيف الحليب ب التدريج وطبعا مع الحليب ملح وفلفل اسود ونحركه لين يصير ثقي شوي
نخلط ثلث الباشميل مع الطبقه الاولى من المكرونه وبعدين الحشوه ثم باقي المكرنه وفوقها باقي الباشميل ونرش جبن مبشور فوقها
سمك فيليه مقلي @
سمك فيليه وتتبيلته ليمون وملح وفلفل اسود وشوي كاري وقبل تحطينه ب الزيت ضربه مع جميع الجهات ب الطحين لين يغطيه كامله
*لاتحطينها ب الطحين الاقبل م تحطينها ب الزيت مباشره عشان م تتعجن
محشي خضار @
طبعا الخضار حسب الرغبه حنا حطينا كوسا وباذنجان
الحشوه لحم مفروم مستوي طبعا مع رز مصري مسلوق نص استواء معه نعناع مجفف وفلفل اسود
تغطين قاع القدر بحلقات بصل وفلفل بارد (رومي)
وبطاطس وتصبين عليها المرق
بصل وصلصه وماجي وبهارات ومويه مغليه بس يكون ثقيل شوي ونصبه على الخضار لين تستوي على نار هاديه
صينيه بطاطس ب الدجاج
دجاج مسوق ومنتف
وبطاطس مكبعات مقليه
نحمس البصل والفلفل البارد وبقدونس والدجاج
بعدين بصينيه بايركس نخلطه مع البطاطس ونصب عليه صوص الوجه
قشطه+4 ملاعق جب سايل +ملعقتين مايونيز ونرش عليه جبن مبشور
متبل الباذنجان@
كميه الباذنجان المشوي
مع زبادي وطحينه سايله وثوم
ب الخلاط ونحط ع الوجه زيت زيتون
اللي ب الصينيه المدرجه
بطاطس كرسبي جاهز للقلي
ولفايف باف باستري ب الدجاج
العصيرات واحد برتقال
والثاني ليمون النعناع
وسلامتكم
< محد تعب هههههههه :p
جد ماقصرتو تهبل سفرتك ومرتبة
وشكل الاطباق يشهي