حبيت اشاركم بعشانا اليوم وهو عباره عن لازانيا بولونيز وسلطه الجرجير
نبدا اول شي باللزانيا
المقادير :-
علبه لزانيا
لحمه مفرومه
بصله مفرومه
فصين ثوم مفرومين
ملعقتين كبار صلصه طماطم
كوب ماء
بهارات مشكله
للباشاميل :
ثلاث ملاعق زبده
ثلاث ملاعق طحين
كوبين حليب
ملح وفلفل ابيض
جبنه موتزاريلا
زعتر مجفف
الطريقة :
على النار نبدا نحط الزيت اول شي وبعدين اللحمه المفروومه
لما يتغير لون اللحمه نضيف البصل والثوم والبهارات ونقلب .. بعدين نضيف صلصه الطماطم و الماي ونخليه على النار الى ان تنضج اللحمه ..
اول ماضفنا البصل بعد ماتغير لون اللحمه
هني لما ضفت صلصه الطماطم والماي
في جدر ثاني نحضر صلصه الباشاميل .. اول شي نضيف الزبده ولما تذوب شوي نضيف الطحين ونقلب بسرعه الى ان يتيغير لون الطحين لللاصفر .. بعدين نضيف الحليب بالتدريج ونقلبه الى ان تثقل بعدين نسكر على النار ونضيف ملعقتين كبار جبنه موزاريلا ونحرك شوي ونخليه
الحين نبدا نشكل طبقات اللزانيا وانا استخدمت هالنوع لانه سهل ومريح ومايحتاج انج تسلقين المعكرونه مجرد انج تضيفينها للصينيه وراح تطبخ بالفرن .. ولاااااااا اسهل:42: وهذا شكلها وانا شاريتها من كارفوور
وهذا شكله من الداخل
نصف اول طبقه نضع قليل من صلصه اللحمه والباشاميل بعدين نحط طبقه معكرونه تليها طبقه لحمه بعدين طبقه معكرونه وطبقه باشاميل وهكذا الى ان نخلص الكميه .. بس المهم ان اخر طبقه تكوون الباشاميل
يتبع ....
وهني بعد ماطلعتها من الفرن قطعتها حتى يسهل علي لانها لو بردت شوي تلاقينها صارت صلبه
وهذي قطعه قريبه سامحووني على التصوير بس بو الشباب كان يوعان ويبه ياكل :arb:
طبق السلطه هو سلطه الجرجير وهذي نحن مدمنين عليها
مقاديرها سهله
حزمه جرجير
حزمه بقدونس
طماطم صغيره
وللصلصه
ملعقتين كباار خل البالساميك
ملعقتين كبار زيت زيتون
نصف ليمونه
ملح
الطريقه :
نقطع الجرجير والبقدونس لقطع صغيره مثل الصوره
ونقطع الطماطم من المنتصف ونضيفها على الجرجير والبقدونس
نحط صلصه السلطه قبل التقديم مباشره
وتمتعي باحلى طعم :icon28:
وبس هذا كان عشانااااا اليوم اتمنى انه عجبكم واي سؤال او استفسار انا حاضره
تحياتي للجميع :26: