عشانا ليوم الجمعه بسيط ولذيذ

السلام عليكم ورحمة الله وبركاته

كيفكم اخواتي بنات عالم حواء وجمعه مباركه على الجميع بعد الزحمه:35:
طبعا هذي اول مشاركه لي في قسم اطباق عالم حواء ومن فرحتي لما تعلمت كيف احمل الصور قلت لازم طيران

اصور لكم عشانا اليوم كان بسيط ولذيذ الحمد لله على النعمه واللهم ديمها علينا نعمه من الزوال يارب

المهم سويت على العشا بيتزا وتبوله واندومي وزبادي واكيد مانستغني عن حبيب القلب بيبسي يم يم والحلا كان عباره عن موز هع:22:
طبعا التبوله الكل يعرف يسويهااما البيتزا فمقادير العجينه هي كالاتي:هذي المقاديرحقت صينيه وسط
2كاسه جبنه دقيق ابيض كبيره
2ملعقةاكل كل من خميره وحليب بودره وسكر
ملعقه صغيره بيكنج بودر
رشة ملح
فنجان قهوه زيت
مويه دافيه على حسب ماتحتاج
نجي للطريقه ننخل الدقيق والمواد الجافه وبعدين نحط المواد السايله ونعجن لمدة 10 دقايق
وهذا هو سر العجينه الي يخليها ناعمه زي القطن وغطيها وخليها ساعه تتخمر

اما الصلصه مقاديرها كالاتي
3حبات وسط طماطم مفرومه مع حبه وسط فلفل رومي فلفل رومي شرايح زيتون جبنه موزريلا وجبنه سايله بصل قليل جدا يمكن ربع بصله صغيره رشة ملح ورشة فلفل اسود ربع ملعقه صلصة طماطم 2 ملعقة اكل كتشب شويه ماجي يمكن ربع مكعب ورشه صغيره اوريجانو
طريقتها انا اكشن بزيت زيتون احط البصل بعدين الطماطم واكمل بقية المقادير واخليها 10 دقايق على النار وبس وبعدين احطها في فرن حامي 10 دقايق وبس بس بقلكم شي الصوره الي قبل الاخيره لحد يدقق فيها:35:
والصحن الاخير ل اول وحده ترد :27:
دعواتكم والى القاء في اطباق اخرى
اتركم مع الصور المرفقه