عشاني بنت اسبب مشاكل بين امي وابوي👩🏻💔❌

السلام عليكم ورحمة الله
قلبي بيتقطع مغبونه ومقهوره على امي
توها ارسلت لي رساله صوتيه وصوتها سئ واضح زعلانه
من ابوي تسألني عن صحتي بس تبغى تجس نبضي
هل انا حزينه او لا بسبب تهزئ ابوي لي وقلة احترامه لي
وعدم ضيافته لي وكرهه فقط لاني ( بنت)
رغم الكل يشهد بديني واخلاقي حتى زوجي واهله يفتخرون بي
وامي واخواني يعتبروني مثل للبنت الصالحه
ابوي يشوفني انا واخواتي عباره عن ( عار وشياطين وكائن مفروض مايكون موجود لدنيا )
يفتخر بأخواني رغم انهم ضعف عددنا ياالبنات ووحده مننا
ماتت وارتاحت منه
طبعا قلبي حزين من بوي بس الله يسامحه ويهديه
حاولت اعدل صوتي وابين اني بخير ولا فيني الا العافيه وعادي
الي اتضح لي انه البيت قبة في مشكلة وزعل كعادة ابوي
اذا جته اي وحده من بناته من شدة كرهه لنا
اذا عرف بجيتنا يتشائم وبكره نفسه ويصيح على امي
انه ليش مو دوبها جتنا؟!!
مع العلم اننا نجيهم في الشهر مره او مرتين فقططط
وزيارات سريعه اسرع شئ
واذا جينا شوفو انواع العذاب النفسي من نضرات واحتقار
وتقليل في عيالنا وازواجنا واسرة ازواجنا رغم الي يضحك
هوه الي مختارهم لنا بس مدري كيف يفكر
وبعد مانروح نرجع بيوتنا من الزياره
يقلب على امي اسبوع وعليها وينكد في عيشتها
يابنات امي نفسيتها تدمرة منه امي تبغانا وتحبنا
بس هوه مسوي حرب علينا
صرنا مانزور اهلي كثير خوفاً على امي المسكينه
نبغى نريحها منه ومن نكده عليها
ايش الحل تكفون
اهل زوجي يستغربون اني ماازور اهلي واجد
وحريم اخواني يتشمتون فيني اني ساحبه على اهلي
واني عاقه بأمي تطفش ولا اجيها
والمشكلة الكبيره اختي الي ساكنه بأخر الدنيا
سنين منها ماشافوها بتجي بعد العيد
وتشحثتني اجي معها اونسها
ايش الحل😭😭😭💔
اختي حساسه جدا
مابتتحمل بوي
ولا تعرف طبعه كثير
وامي مسكينه خايفه من ابوي اذا جت بتجلس ترقع له
وتسلك وتجامل
حتى العشاء هي تدفعه اذا جت اختي
امي عكس ابوي جنه تستاهل كل الخير
ابوي عكسها تماما
ايش الحل
والله ماهمي في ذا كله الا امي ماابغى ننكد عليها
ايش تشوروني فيه 💔😭😭😭😭
الي تقول ادفعو وجيبو اكل وعشوهم وغدوهم وعاملو ابوكم
زين
ترو سوينا هذا كله والله مانفع لدرجة اذا جبنا عشاء حتى لو من برا يسب فيه وما ياكله
وما ادخل واطلع الا ابوس على رأسه ويده
ومايطلع من لساني انا واخواتي الا الكلام الزين
والله اني انا واخواتي الكل يمدحنا حتى اهل ازواجنا ومشهود لنا بالخير
ليش يسوي كذا معنا؟!
كل مااتذكر امي احس قلبي يتقطع عليها ماابغى اكون
سبب حزنها ونكدها💔