وأنا قاعدة أقرا قصة مترجمة لكاتب صيني بعنوان /
( ورود السيد تشانج ) ، خذتني القصة لعالم الورد
الجميل .. ، وبعد ما انتهيت من القصة فتحت جهاز
الراديو على موجة الأغنيات القديمة وبالصدفة كانت
الغنية حق محمد عبد الوهاب اللي يقول فيها /
( عشان الشوك اللي في الورد أحب الورد ) ، رحمة الله
عليك يا عبد الوهاب ، وأنا أسمع الغنية قعدت أتخيل ورود
السيد تشانج اللي تكلم عنها الكاتب بالقصة وتصورتها بشكل
وايد حلو ..
ففكرت ليش ما أنفذها وأعملها ورود ملموسة وأحطها عندي
بالدار على الرف ، عشان كل ما شفتها أتذكر القصة الجميلة
(ورود السيد تشانج )..
وسويتها وطلعت وايد حلوة ...
وورودالسيد تشانج هذي طريقتها وايد سهلة وحلوة ..
عملتها من الورق المقوى والورق الملون .. ، طبعا رسمتها
وقصيتها وطلعت روعة ..
وبالنسبة لطريقة تثبيتها بالمزهرية .. ، أخذت كرتونة وقصيتها
على محيط المزهرية وعملت فيها ثقوب بالمقص ..
هـــنـــــــــــــايــا
مكن نستغل هذا الورود بشكل ثاني ، مو بس
بالمزهرية ..
مثلا ممكن نزين فيه الهدية بعد تغليفها بورق
تغليف مناسب ، وأنا اخترت ورق جريدة
بالأبيض والأسود ، عشان يبرز جمال الورد ..
وعندي أضافة ثانية وعمل ثاني بنفس الورد ..
أول ما تجهز بضيفها لكم ..
وانشالله دايما أكون عند حسن الظن