الله يعينك


ادعو لي السبوع الجاي شبكتي

الف الف الف مبروك أخت كــــــ الغلا ـــــل

والله يوفقك ان شاء الله ويسر لك امورك

وأخت زعوله بعد مبروك والله يوفقك
وعقبالنا يارب وعقبال العزابيه .

الله يبارك فيك ياعمري


عقبالك قولي امين

الله يباااااااااااااااااارك فيك


وعقبااااااااااااااااااااااااااااالك عاجلا غير اجلا

بالنسبه لتجربتي في الجهاز الحمدلله ماكان هناك أي غلطات..

إلا في شي واحد إني ماعشت لحظات الزواج في القصر بكل تفاصيلها ..
عشان كذا بعض الأشياء ناسيتها .. لكن ماأنلام في هذيك الليله كان التوتر هو السائد..

المهم بالنسبه للجهاز..

-- ملابس السهرات والمناسبات:
أنا ماكثرت منها يادوب كم فستان..(( طبعاً على حسب عاداتكم وتقاليدكم..وكم عدد اللي راح يعزموكم بعد الزواج))

-- ملابس البيت من بناطيل وتي شيرتات وتنانير قصيره وفساتين قصيره ناعمه:
أقدر أقوول لكم إن أغلب جهازي منها.. لأنهوالله يابنات أكثر شي راح تستخدميه هي هذي الأشياء..
ومارح تندمي على أي قطعه إشتريتيها منها... لدرجة إني لسى ألبس منها إلى الحين مع إني متزوجه من 3 سنين ونص..

--قمصان النوم:
هذي بعد كثري منها لأنها راح تستخدميها كثير.. لكن خلي في بالك إنك راح تشترين أكثر بعد الزواج وبعض الأوقات مع زوجك..
هذا إذا مو هوه اللي يشتريلك منها..
لكن نصيحه يابنات لاتشترونها كلها من الغالي لأن بني آدم ملول بطبعه..
وراح تمليييين إنتي وزوجك من بعضها من كثر إستخدامها..
إشتري بعضها من الرخيصه في السعر لكن أهم شي يكون شكلها وملمسها حلوووو..

-- اليبجامات الحريريه والقطنيه:
الحريريه.. كثري منها إذا إنتي وزوجك راح تسكنون لوحدكم لأنها مرررريحه مررره..
القطنيه ... كثري منها إذا إنتي بتسكنين مع أهله أو حتى في بيت مستقل عن أهله لكن قريب منهم..
أنا بصراحه أستفدت منها كثير لأني سكنت أول سنه وكم شر عند أخوه وزوجته اللي هي أختي..

-- الملابس الداخليه:
إشتري منها بالهبل وتكون من الأشياء الحلوه الراقيه ..
وطبعاً خذي منها تشكيله..
(( دانتيل-حريريه-الظاغطه-اللي فيها حديده من تحت-اللي سيورها شفافه-قطنيه<< للراحه المنزليه في غياب الزوج))

-- المكياج:
أهم شي تاخذين الأساس والبودره من النوع الممتاز عشان ماتأثر على بشرتك بعدين..
وبالنسبه للكحل والشدو والبلاشر والمسكره والأرواج والمحددات إشتري الألوان الأساسيه وكثيرة الإستخدام من الماركات لأنك راح تستخدميها كثير..
أما الألوان اللي راح تشتريها للون معين وللبس معين لاتاخذي غالي لأنك راح ترميه إذا إستغنيتي عن اللبس..

-- العطورات:
خذي منها عدد معين لاتكثري منها لأنك راح تشترين بعد الزواج وتاخذي رأي زوجك فيها ..
لأن يمكن بعض عطوراتك إنتي تحبيها لكن زوجك ماأعجبته... إيش تسوين في هالحاله؟؟
وأهم شي عطر خاص بالشعر... وراح تعرفي ليه مهم بعد ماتتزوجي..

-- الجزم والشنطه اليدويه:
خذي الأوان الأساسيه والأهم تكوني مقتنعه فيها لأنها أكثر شي راح تستخدميه..
أما الألوان الثانويه فخذيها على لون لبسك لكن الأفضل ماتكون من الغالي.. لأن مصيرها مثل المكياج..

-- شناط السفر:
أهم شئ تاخذيها طقم من النوع اللي تدخل في بعض عشان ماتاخذ منك مكان وماتتوهقين فيها بعد ماتسكني بيتك..

-- أهم شي حبيباتي اللي بيتزوجون قريباً شنطة الفندق أو شنطة السفر:
1- لازم يكون فيها غسووول <<<==== لاتنسينه أبداً..ومطهر شخصي صغير للإستخدام الخاص..
2- فوط إستخدام يومي- فوط للدوره.
3- خذي نوع واحد من العطووور مع البودره الخاصه فيه لأن هذا العطر راح يرجع لك إنت وزوجك أيام شهر العسل كل ماشميتووو ريحته... لدرجة إن زوجي صار يسمي عطري اللي بأيام شهر العسل..
((عطر شهر العسل)) لأنه يتذكره ونصيحه بعد ماترجعي من شهر العسل لاتستخدمي العطر هذا خليه للمناسبات الخاصه لك إنتي وزوجك..
4- شنطه كبيره من اللي يبيعونها عند بودي شوب أو مكياجي اللي تكون من قماش.. والخاصه بالمكياج .. خذي وحده لمكياجك عشان مايتناثر عليكي وتجلسي تجمعي فيه من فندق لفندق..
وخذي وحده ثانيه للشامبو والبلسم وإسبريه الجسم والليفه ......... الخ المهم أغراض الإستحمام..
عشان كل ماجيتي تتحممي خذي هالشنطه معاك للحمام مو تجلسي تلملمي أغراضك قدام زوجك..
5- دي شامبر لك ولزوجك والمناشف الخاصه به..
6- مكوى صغير يشتغل على 110 و 220 لأن ممكن يتكرمش عليك قميص نوم أو بيجامه وتتوهقين فيها ماتقدري تلبسيها وهيه مكرمشه ولا راح تقدري تعطي زوجك يوديها لمحلات يكوونها لك..
7- حلاوة مص فراوله أو مشكله اللي تبين عشان الواحد تكون ريحة نفسه حلوووه وخاصتاً بعد النوم..
8- عبايه ثانيه غير اللي تلبسينها وشيله وغطوه لأن ممكن ينكب عليها أي شي أو تنقطع عليك أو يصير فيها أي شي على الأقل تلاقين بديل ثاني لها..

تقريباً هذي أهم الأشياء وأتمنى أكون أفدتكم وما طولت عليكم...
وأي وحده تبي أي إستفسار أنا في الخدمه...