فتو تاكل منتو :

هلا وغلا ريفيه ههههههههههههههههاااااااااااااااي حلوه اولم العصابه قبل الفلقه شوفي بإختصار شديد في نوعين من الرجال نوع يحب يرفع من معنويات الحرمه ونوع يحب يدقم الحرمه وكلا الحالتين عمرك عمرك شوفي اقولك عمرك ما تسمحين له ينتقد فيك شي بطريقه التهزي ماعجبه شي يقدر يوصله بطريقه محترمه وهم ممكن ترى يتميلحون في هالاشياء بس العود من اول ركزه شافك ساكته واستحيت الله الله بالتعليقات السخيفه وخاصه اذا كان من النوع الثاني وحده من خوياتي تقول زوجي يحب النحف بكلامه لاهله يوم الخطبه وصديقتي ماشاء الله عليها كلها ملح ورزه وسنع وجسمها زين يعتبر رويان وفيه مقومات اللي يحبها الرجال عاد زوجها يوم تزوجها قالها مره انا امووووت في العصلان وكان شرطي الوحيد انني ابي وحده ناشفه ==== اول مره ساكته بعدين قيلت الكلمه بشكل ثاني شافها مره لابسه وكان اللبس شوي ماسك وهي نحفت اول ماتزوجت قالها ماشاء الله عليك نحفتي ايه كذا زين ===== خويتي شاشت وبكل بروده ==== لازم سالفه البروده والركازه حتى في الرد قالت يعني بصراحه اهلك شافوني وانت شفتني بعد اذا ماعجبتك وراك من طلعت من البيت قلت ابيها ؟؟؟ وعموما اذا انت تبي نحف ترى حتى انا بعد لي نفس في اشياء كثيره مالقيتها فيك ==== بس لا يفوتك الاسلوب اللي يخلي الواحد يشك في عمره كخخخخخخخخخخخخخخخخخ يعني ترى انا لي عيون واشوف واتمنى بس محترمتك ولا اقولك شي ولا ودك اقولك وش ودي ووش نفس فيه ؟؟؟ عقبها احترم نفسه صح يعني انتي اول مره ناظريه نظره حقره اذا قال وش فيك مثلا ماعجبك الكلام .. قولي له ايه ماعجبني ثاني مره وقال تعليق ماله داعي ردي عاد يعني بطريقه حلوه مؤدبه وتخرس الواحد مثلا صح انا عندي مثلا رركب سود ولا سمينه ولا اي شي قاله فيك لكن ماعمرك شفت نفسك في المرايه مثلا ؟؟ شف الكرشه === اغلب شبابنا لهم كرشه حتى لوهم عصلان كخخخخخخخخخخخخخخ شف الصلعه == شف الضروس === عاد الضروس تجين على الوتر الحساس كخخخخخخخخخخخخ ومع كذا ماقلت شي محترمك ولا قلت شي ابد وبعدها عقب هالكلمتين اللي قلتيها ببرود قومي من المكان على طول وسكري الباب عليك في الغرفه وروحي بردي على عمرك بشور وتزيني وتلبسي واجلسي في الصاله كخخخخخخخخخخخخخ بنات اذا تزاعلتي انتي وزوجك لا يضيق صدرك بالعكس اقعدي والبسي وتزيني وتفرجي على التلفيزون عقبها اذا شافك كذا عادي ومتزينه بعد بيجي هو يقعد يراضيك ويسولف معك خاصه لو كنت عاد طاقه الزين بقوه ههههههاااااي

هلا وغلا ريفيه ههههههههههههههههاااااااااااااااي حلوه اولم العصابه قبل الفلقه شوفي بإختصار شديد...

rooooooo7y :

لسلام عليكم ورحمة الله وبركاته اول شي اشكر فتو على موضوعها الرائع والله يجزاها عنا كل خير ومانسى اخواتي المشاركات ابد ماقصرتو استفدت منكم كثيرر.. انا زواجي بعد شهرين من الان .. اليوم الحمدلله ملكتي بس فيه شي مكدر خاطري مره وهو ثقتي بنفسي مره معدومه وشخصيتي مهزوزه وكل كلمه توديني وتجيبني وهذا طبعا كله من اهلي محسسيني بعدم الثقه بنفسي .. انا اصغر وحده بالبيت والكل يعتبر اني طفله حتى اخوي لمن درا اني بتزوج قال عني بزر وانا عمري 20 سنه وزوجي بعد كبري وهذا الي مضيق صدري احس ماراح نتفاهم ابد واخواني يقولون عنه بزر مع انه ماشاء الله عليه تصرفاته ماتبين انه صغير :( المشكله الان عندي ان اختي الكبيره هي الي تبي تجهز لي جهازي وطبعا كل ماتكلمنا عن شي تقول لي انتي ذوقك مو حلو ومن هالكلام وتحبطني بكلامها مع ان صديقاتي يثقون بذوقي ويقولون عنه حلو حتى زوجة خالي تقول لي اثق بذوقك مره .. وبعد في مشكله اختي الكبيره ماحبت زوجها واختي الي بعدها مطلقه وانا صرت الضحيه بينهم لانها تقول لي مالها داعي تسوي حركات مع زوجك لانها بايخه وانا اجريها بالكلام ماحب اعارضها اقول لها ايه صح حتى انا ماقتنعت بس اشوف بكلامكم انه مهم هالشي بين الزوجين .وامس اكلامها عن الجهاز وقلت لها اني اشتريت تنوره حلوه وقصيره مره يعني البسها عند زوجي للبيت قعدت تهاوشني تقول ليه تشترين مالها داعي ماراح نكثر لك من اللبس حتى قمصان النوم تقول ماراح نشتري لك اكثر من 4 وحتى اللنجري والاندر وير قليل وانا من خلال متابعتي لكم انتم تحرصون عليه .. وربي مره محتاره حتى لمن كلمت بنت خالتي قالت لي اشتري اشياء حلوه مع جهازك تصير رومنسيه يعني شموع واقمشه تحتاجينها بعدين بس اختي معارضه ومقدر اتكلم لانها تسكتني وانا ماحب اعارضها على كلامها ومابي ازعلها وربي محتاره مره مدري وش اسوي كل ماكلمتها بحاجه تقول لي وش عرفك انتي صغيره لاتصيرن خفيفه وصديقاتي يقولون لي احتوي زوجك دلليه لاتخلينه يطالع غيرك لان الفتن كثرت لازم الزوجه تحافظ على زوجها واختي تعارض هالحكي وربي اني متشتته مررررررررررررررره ونفسيتي مره معدومه .. ايوه ونسيت حاجه انا الحمدلله بيضاء بس خواتي ابيض مني مره وانا اقلهم جمال مع اني مو شينه مره وكل مادقيت على اختي تقولي انتي سمره سوي لك شي يفتحك وعدلي روحك انتي يبيلك تعديل يعني مررره محبطه نفسيتي وثقتي بنفسي انعدمات .. واختي المطلقه احسها تغار مني ولاتعطيني وجهه اذا جبت طاري الزواج حتى لمن اشاورها تكتفي انها تهز راسها وتصد عني تعبتني مررره اختي الكبيره تقول لي راعي ظروفها لاززم تغار ياربي انا مره خايفه حتى اختي من غيرتها اذا تناقشنا بشي وماعجبها وعصبت علي تقول لي الله لايوفقك وراح تمرين بالي انا مريت فيه :( .. امااااااااااانه بنات ساعدوني وربي ودي ابكي من الضغط النفسي

لسلام عليكم ورحمة الله وبركاته اول شي اشكر فتو على موضوعها الرائع والله يجزاها عنا كل خير...