وردة نت

يعطيك العافية على نصائحك الحلوة
بس يا ليت تعطينا نصائح أكثر بخصوص التعامل مع الزوج -اذا كنتي متزوجة-
لاني احسها مرررررررررررررررة مهمة

يعني مثلا قال لزوجته اسمني او انحفي او تكلم بلون شعرها ....
يعني هذي الانتقادات اللي مالها داعي

واذا عندك تجارب احد من البنات اللي متزوجين مطلقين بعيال او ساكنين مع حمولة ياليت تفيدين الاخوات

معليش ازعجتك
بس ماصدقت وحدة متزوجه تمر هني

وردة نت..................درر كلامك بس ياليت على طول تدخلي والله البنات وقت الجهاز تلقينهم بس يدورون في النت وبعد الزواج يسحبون عليك ولا اذا سالتيهم مايردو عليك خخخخخخخخخخخ

وياحبي لك ياهمس عجبتني ماصدقتي معرسه تمر هههههههههههههه صادقه

هلا بكم

همس
بالنسبة لنقد الزوج لها حالتين
الاول
اذا المشكلة مالها حل وهذا طبيعة جسمك او شعرك
خلييييك واثقة وان هذا هو الطبيعي في كل البنااات ,,, وان كان من النوع اللي يتفرج على الدش ,,, بيني انها عمليااات تجميل وفعلا هذا الحاصل ويااااااكثر الامراض والاضرار من ورا العمليات
بس هم بايعات صحتهن عشان الفلوس والشهرة
واذكري بعض صفااات حور الجنة وما يمكن اكون مثلهم والا ليش صار جزاء المؤمن حورية اذا كانت امثالهن في الدنيا

الثاني
اذا كان قابل للتغيير مثل السمنة او النحافة
خليك على ثقتك وقولي ابشر انت تبيني انحف ,, انحف عشانك بس لاني انا معجبة بجسمي ما فكرت انحف وكثير يعجبهم او اي مدحه لك بس بشرط ما تكذبيييين
واذا كان العكس نفس الشي
اهم شي تبينين انك راااااضية عن نفسك ومعجبة بجسمك وان هذا هو الحلو عند الناس
وسوي رجيم وممكن بدون انتباهه حتى توصلين للوزن المطلوب ,,, البسي الضيق واللي ما كنت تلبسينه قبل ,,, يعني تلفتين انتباهه لجسمك وش صار

الرجل بطبيعته ما يعرف وش يدور بمجتمع الحريم ولا وش الموضة

مثال
لو البس بنتي شي او انا ما خش مزاجه ,,, يبين استغرابه وعلطول يقول : والا الموضه عندكم كذا

ممكن لو صارت لون صبغتك شينه قولي الموضة وعاجبتني وبعد فترة ممكن تغيرينها

وحتى لو ولدتي وطلعت من النفااااس انتبهي تبينين له التغيرات اللي صارت لك ,,, او حتى تبينين انك متضايقة منها او او او
لبس الحريم كثيييييير وفيه اللي يستر العيوب وهو مغري

مثال
وحده سيقانها حبوب وبقع تبدع في البنطلونااات بانواعها


اهم شي الثقة الثقة الثقة

هذا التعامل من ناحية الشكل

اما ازواج مطلقين
بصراحة ممكن تستفيدين من الحياة الاسرية اذا فيه مثل كذا
لكن انا ارى انه اذا هي وافقت على مطلق ترضى بعياله وكانهم عيالها وتحتسب الاجر من الله

والسكن مع حمولة
عاملي الناس مثل ما تحبين انهم يعاملونك
احترمييييهم
تجنبي ذكر عيوبهم وانتقادها
تجنبي ذكر خصوصياتكم
تجنبي ذكر دلع زوجك لك وهداياه وعطاياه
,,,,,,,,,,,تجنبا لتولد الغيرة ,,,,,,,,,,,,,,

هذا اللي عندي وما عندي تجارب

لكن حطي ببالك
ان زوجك جنتك ونارك

لا تنسي
احتساب الاجر في كل عمل

الحياة جهاااد
وجهاد المراة في بيتها وزوجها واطفالها



ولا يغيب عن بالكم ان الحياة مسؤؤؤؤلية كبييييرة
وليست طلعات وتمشيات ومطاعم ,,,,,,,و هذا بالايام الاولى والشهر الاول والثاني والرابع
بعدين

تبدا الحياة الجدية من عمل ودوام وعطاء وخدمة


اسلوب المراة

ان شاء الله افيدكم وما ابي الا الاجر والدعوات الصااااادقة
الله يسخر لي زوجي ويحنن قلبه علي ويرزقني بر عيالي

هلاااااااااااااااااااااااااااااااااوغلااااااااااااااااااااااااااااااا

حيالله ورده ماااااااااااااااشاء الله الموضوع نور بمشاركاتك ورجعت له الحياااااااااااااااة

يعطيك العافيه حبيبتي

مررره استفدت من نصايحك ياورده



طيب ابسأل
المتزوجات

الوحده بعد الزواج تتحسف على ايام العزوبيه ؟؟

يعني تتمنى انها سوت اشياااء ومغامرات قبل تدخل القفص الذهبي ؟؟ << بغيت اقول القفص الصدري ههههههههههههههههه


يلا خبرونا يالمتزوجات

خويتكم ملااازمتها العزوبيه :(