رهوفة :

بنات .. الله يسعدكم كلكم فردا فرداً اسرار كيفك ياعسل الله يوفقك ويسهل لك امورك .. وكل البنات مشكورة عاشقة ياقلبي الله يسعدك وانتظر عودتك مشكورين كل البنات واعذروني اذا نسيت احد انا احس اني استخفيت عارفين كنت اشوف التجهيز سهل خصوصا اني طبعت كل شيء احتاجه ونصايح البنات من الى وربي يوم جيت بطبق ماعرفت وش اشتري وش اترك احس مخي بيتفجر وش اشتري ,, احترت البنطلونات كم بنطلون قصير وكم طويل ؟؟ اقصد العدد الشورتات وش هي اي نوع ؟ القطنية ولا ساتان ؟؟ الساتان بجامات فخمة مافيه في السوق شيء حلو وسعره معقول والي رخيصة مو حلوة ابداً تفششششششششششل القمصان الطويلة كم واحد والقصيرة كم واحد ؟؟ ملابس البيت وش المقصود فيها ؟؟ عبارة عن وش ؟؟ انا اقصد الي تتلبس في وقت غير النوم ؟؟ تنانير قصيرة وبديهات وتي شيرتات وبناطيل وفساتين قصيرة تكفون نقلوني وش بعد ترى احس مخي ضاع ؟؟ بعدين بنات الرياض فستان الفرح فين افصله ؟؟ ابغى تفصيل حلو وراقي واسعاره معقولة مايزيد عن 4000 ريال واحسها كثير كمان ؟؟؟ محلات الكوش ودي ادور بس ابغى اسعار معقولة ودي اروح اسواق مكة بس احس اني ضايعة يابنات وربي صح الوقت تشوفونه بعيد بس عندي خواتي ذوقهم صعب ويبغى لهم فساتين لأن فيه فرحي وفرح ولد عمي وكمان قريبنا يعني كل وحدة 3 فساتين تقريبا يبغى لهم موديلات وتفصيل انا لازم اخلص بعض اشيائي وهم يخلصو عشان ما اشيل همهم ويزاحموني على السوق ,,, احد يعرف مركز لشد الجسم بالرياض مركز رياضة حلو وسعره معقول ابغى اروح ثلاثة ايام بالاسبوع بس ابغاهم محترمين وبنفس الوقت المشرفة فلبينية وتمسكني عدل ابغى اشد جسمي عشان ابدا افصل تعبت نفسياً مو عارفة اشتري قدي ولا اصغر مني ؟؟ :( ادعولي يابنات ...

بنات .. الله يسعدكم كلكم فردا فرداً اسرار كيفك ياعسل الله يوفقك ويسهل لك امورك .. وكل البنات...

هنـــــــادي :

رهوفه طيب زواجك متى إن كان قريب أول شي سويه فصلي فستان الزواج شوفي بدلك على مشغل خياطهم حلو وأسعارهم أحلى إختي مفصله فستانها عندهم ب1200 إسمه مشغل الجزيره قبال اليورمارشيه إللي فيه سعوديات وداد والثانيه ريم والخياطات فلبينيات وقوليلهم من طريق أخت أمل عن طريق النت وهي بتعرف والفساتين أفضل شي إشترو كتالوج وإللي يعجبكم ممكن تودونه لأي محل أقمشه من المحلات الكبيره ويجيبونه هونفسه. أما باقي الملابس مدري حسب إختي شرت 3طويل وأحد بروب والباقي بدون وشرت قطع كثيره بجايم وقمصان قصيره وطبعا هي كثره من القمصان بس نوعت يعني موكلها غاليه أصلا الغالب رخيص رحت أنا وياها الهرم وقضينا لين قلنا بس من القمصان والحساب 200 وشوي بس هاه لازم تدورين زين ويكون عندك وقت وياليت مايكون معاك رجال بس إنتي وأمك أوإختك عشان تاخذين راحتك وتدورين على رواقه بتلا قين أشياء حلوه وأسعارها ماتتعدى 30 ريال. وإذا لقيت شي بكتبه إن شاء الله,

رهوفه طيب زواجك متى إن كان قريب أول شي سويه فصلي فستان الزواج شوفي بدلك على مشغل خياطهم...