ملكة الابداع :

لكل العرايس نصيحة لوجه الله .. كل ما كانت بداية زواجك خالية من المعاصي كان زواجك أكثر بركة .. في زواجي أصريت ان الزفة ما يكون فيها موسيقى .. حتى المعازيم كتبنا في البطاقات الالتزام باللباس المحتشم .. صح فيه ناس فيها قلة ذوق وما راعوا هالكلام بس الحمدلله أغلب الحضور كانوا محتشمين .. طبعاً احتسبي الأجر في كل شي بتسوينه .. حلاة الزواج مهيب بالبهرجة والبذخ .. ياما زواجات انصرف فيها مئات الألوف بس تضيق الصدر وما فيها وناسة ,, البساطة والترتيب والبشاشة من اهل العرس للمعازيم ممكن تخلي حفلة زواجك في عيون الناس أحلى حفلة .. يابنات والله أحكي لكم عن تجربة لا تظنون كلامي عن اجتناب المعاصي في البداية أمره هين .. أنا لاحظت بركة هالتصرف في كل يوم يمر في حياتي .. حتى لو تعرضت لأزمات ظنيت فيها ان حياتي خلاص انتهت وما عاد فيه امكانية تستمر .. يجيني الفرج في أقل من يوم من الله ولله الحمد .. وربي سبق أن قالها في كتابه العزيز .. ( ومن يتق الله يجعل له مخرجا .. )

لكل العرايس نصيحة لوجه الله .. كل ما كانت بداية زواجك خالية من المعاصي كان زواجك أكثر بركة...