كوبونات الراقية تسجيل الدخول

مربى كرز
مربى كرز •
ياحبيلك والله.....................

يارب يتحقق اللي ببالي

واللي ببالكم امين وتطولون اللي تحلمون فيه يارررب
ملكة الابداع
ملكة الابداع •
أهلين بنات .. ومشكورين على التفاعل ..

نرجع للنصائح اللي ان شاءالله تفيدكم في حياتكم مستقبلاً ..

حاولي تمشين حياتك .. لا تدققين على كل تصرف أو كلمة تسمعينها من زوجك ..

فيه أشياء طبعاً ما ينسكت عليها بس فيه أشياء السكوت خير من الكلام مقابلها ..

مثلاً .. انتِ شاكة ان زوجك كذب عليك في موضوع معين .. بس مو متأكده ..

لا تنكدين حياته نتيجة لهالشك .. ولو كان شكك أقرب لليقين ..

لأنه مستحيل يعترف ولا يبين لك احساسه بالذنب الا اذا كان عندك اثبات واضح مستحيل ينكره ..

فهمتوا هالنقطه .. لا للتحقيق .. :) وحياتك ان شاءالله بتمشي تمام .. :26:
ملكة الابداع
ملكة الابداع •
المصروف ,,

أحس انه سخافه من الزوجه انه تطالب بمصروف من زوجها من أول أو ثاني شهر ..

ليه .. لأنها عروس وشي طبيعي انها تكون مكمله أغراضها وبتكفيها مدة 3 شهور

على أقل تقديييير .. فليه تطالب بمصروف ..وأصلاً من اللي راح تتجرأ وتطلب في هالفتره ..

متى تبدين تطلبين مصروف .. إذا جا موسم .. عيد مثلاً أو إذا حسيتِ انك استهلكتِ الملابس

اللي عندك والأغراض .. وطبيعي انكم راح تتفاهمون على مقدار المصروف اللي راح تاخذينه

كل شهر وان هالمبلغ ممكن يزيد في فترة الأعياد والمناسبات ..

ولاتنسون تراعون حالة أزواجكم المادية .. طيب .. :)
ملكة الابداع
ملكة الابداع •
بعض الزوجات تعاني من بعض الألفاظ اللي يقولها زوجها ويعنيها فيها ..

مثلاً بعض الرجال يسمي زوجته قدام الناس ( المره ) أو ( العيال ) .. وأنا أشوفها ألفاظ مزعجة ..

تتساءلون وش الحل ..؟؟ حاولي تستأصلين هالكلام من عقل زوجك ..

بسيطه .. من بداية الزواج كل ماقال هالكلمه قدامك نبهيه انك ما تحبين هالكلمة وانها

تزعجك وتحسسك بالألم .. لا تفوتين أي مره يقول فيها هالكلام .. دايم نبهيه وعطيه بدائل

للفظ اللي يقوله .. هو في النهاية بيمل وبيغير ألفاظه تجنباً للمشاكل ..:)
ملكة الابداع
ملكة الابداع •
الصمت يقتل الكلام ..

انتبهي لهالنقطه .. لا تقابلين سواليف زوجك وكلامه معك بالصمت القاتل ..

تفاعلي معه .. سولفي تكلمي .. لو ما عندك أي كلام تقولينه ألفي له قصص ..

أو قولي له شي من اللي تذكرينه من المنتديات ..

المهم لا تقابلين كلامه بصمت .. لأن النتيجه انه بيمل من الكلام معك ..

شوفي انتِ اذا كنت تتكلمين مع أي وحده من صديقاتك ودايم ترد عليك بصمت مستحيل

بعدها تفكرين تسولفين معها .. لأن الانسان يبي انسان يرد عليه الصوت ولو ما رديتِ

على زوجك راح يدور غيرك وينساك ..:(