فتاة الإمارات :

يا سلام عليكم يا بنات السعودية .. على قولتكم يا حبي لكم ملفج هذا يا فتوا خطييييييير مررررررة >>> خلاص دام أني دخلت عندكم لازم أتكلم سعودي:42: وأسأل الله أنه يجعله في ميزان حسناتج تراه والله مفيد وااااايد .. وينفع للمتزوجات والمقبلات واللي يحبون يستفيدون<<< هذي أنا وبالنسبة لسالفة الدلع .. ضحكتني اللي قالت يبالنا كورسات دلع هههههههه الله يسعدها. شوفوا يا بنات .. ترا أولا وأخيرا أنتي أنثى سواء كنتي عربجية أو غيره والدلع والطفولة هذي موجودة فيج صدقيني بس يبالها حد يطلعها .. لا تستطنعين شي لأن كل شي موجود في داخلج .. خلني أتكلم عن نفسي شوي أنا ابصراحة قبل كنت أعصب لما حد يقولي دلوعة وخاصة عيال أخوي اللي ماسكين هالكلمة علي بس والله عقب ما قريت ملفكم استانست وقلت الدلع اللي عندي نعمة عيل خخخخخخخخ <<< أغايضكم لا والله جد حبيت أسوي تشييك كامل على عمري <<< سيارة مب وحدة .. وأشوف شو الدلع اللي أسويه وأعلمكم >>> أمحق طيب نبدأ بأول شي أول شي حبيباتي لاحظت أن مفهوم الدلع عند البعض غلط..يعني اللي تقول أن وحدة دلوعة ما تتكلم إلا عن سوالف المكياج والتسريحة وما تحب أن حد يكون أحلى عنها وما تسولف وما تضحك ولا تستهبل .. لا يا حبيباتي مب جذي أنج تكونين دلوعة ما يمنع أنج تعيشين حياتج وتلعبين وتسولفين .. هذا شي وهذاك شي ثاني يعني أنتي مع اربيعاتج وأهلج وحتى مع ريلج سولفي اضحكي استهبلي سوي كل اللي يعيبج عيشي حياتج .. بس في لحظات معينة مع الريال خلج كلج أنوثة وطفولة ودلع يعني مثلا البسي مرة ملابس نفس مال المدرسة يعني مريول وبلوزة بيظة .. وسوي شعرج اثنين أو اعقصيه، حطي شرايط أو شبابيص صغيرة .. هاتي خصلات على ويهج من صوب اليسار وخصلات اليمين رديها لورا وثبتيها بقرموشة صغيرة على لون اللبس يعني مثل اليهال بالضبط .. ويكون مكياجج خفيف مررررة .. يعني ماله داعي تحطين شي ثاني غير الأساس والكحل والقلوس <<< يا زينه والله العبي معاه سويله حركات طفولية .. يعني مثلا أنتو الحين قاعدين اتطالعون مسلسل وجابوا اعلان لفي صوبه وسويله حركة .. مثلا غمضي عيونج بقو وافتحيها بسرعة === فاهمين علي ؟!! أو مثلا هو يطالع ابروحه تعاليله من ورا وقوليله بوووووو >>> بس عاد مب تزيغينه .. قوليله بنعومة مب لازم بصوت عالي يعني الهدف مب التخويف لأ .. الهدف مداعبات ودلع خفيف.. لا تنسين تداعبينه بأطراف أصابعك على رقبته أو تحت أذنه >>>> الله وأكبر .. هذا كله طلع مني .. هذا وأنا لا متزوجة ولا مخطوبة :42: طيب شو بعد أيوااا .. الصوووووت والكلام يا بنات .. لا اتقولين أنا صوتي مب حلو غليظ وما أدري شو مب مهم حلاة الصوت كثر درجته .. يعني لا تتكلمين بصوت عالي .. تكلمي معاه دايما بصوت معتدل أو منخفض يعني أنتي خليه ناعم وتدلعي اشوي بالكلام لما مثلا تتكلمين .. تكلمي من أطراف اللسان .. يعني إذا بتقولين كلمة (ليش) ما يكون لسانج لاصق بالسقف لا.. يكون ورا أسنانج العلوية >>> والله وقمت أشرح بالتفصيل الممل أو مثلا قالج كلمة زعلتج .. يعني مب زعلتج صدق .. مجرد كلمة وما عيبتج مدي بوزج شبرين قدامه (مديهم جد) ونزلي راسج أونج زعلتي.. خله يضحك لما يشوفج جذي وعلى طول يتأسف لج. فاهمين علي بنات !! يعني خلي حركاتج طفولية جدا امشي وأنتي شابكة ايدينج ورا ظهرج .. لما يقولج تبين الشي الفلاني وأنتي ما تبينه لا تقولين كلمة (لا) ..هزي راسج بلا وأنتي مغمضة عيونج ... يعني عارفين كيف .. مثل اليهال بالضبط .. البزراان على قولتكم هههههه وشي ثاني بعد .. خلج كلج على بعضج اتيكيت .. تعلمي حركات الاتيكيت يعني يوم تروحين مكان حطي الشنطة على ايدج اليسار .. لما تركبين السيارة أدخلي بريلج أول وجذي يعني بس مب لازم تنفذين الاتيكيت حرفيا .. يعني الاتيكيت يقول لما تقصين تفاح أو برتقال حطيه على الصحن وقصيه بالسكين يعني المفروض ما تمسكينه بايدج .. اياني واياج اتسوين هالحركة قدام حد من الحريم لأنهم صج بيضحكون عليج وبيقولون هذي ما تعرف شي بشغل البيت أبد .. سوي اللي نحن متعودين عليه .. نمسك التفاح باليد ونقصه . والله أحس أني ما خليت شي بس أتمنى أني أكون أفتدكم بهالكورسات .. طبعا هذا مب كل شي .. بس كل موقف تعاملي معاه بمنتهى الأنوثة..ومب كل شي يفيد بكل المواقف .. يعني لما تكونين في موقف جاد تعاملي معاه بكل جدية وابتعدي عن الدلع .. ولي الشرف أني أشارك معاكم في الملف وبالتوفيق للجميع

يا سلام عليكم يا بنات السعودية .. على قولتكم يا حبي لكم ملفج هذا يا فتوا خطييييييير مررررررة...