اما انا كثرت قمصان نوم وبعدينه قصيره ماينفع صح فتو انا من جده ياريت الرد

يعطيك الف عافية موضوع ممتااااااااز

وللاسف كثير عرائس يجونا المركز ويطلبون نكثر من المكياج وملابس السهرات مع اننا ننصحهم لكنهم يصرون...
نحن نشوف ملابس البيت والقمصان والتاييرات والاكسسوارات هي الاولى

الف شكر على الموضوع المميز

مشكوووووورة يا أحلى فتو

موضوع بجد يجننن الله لا يحرمك الأجر ويجزاك خير :26:

السلام عليكم ورحمة الله وبركاته

والله الموضوع رائع وانصح الكل على قراته

لان فعلا فيه أخطاء ندمت كثير اني سويتها

اول شي نجي على اللبس بقولكم اللبس الي ما ندمت اني كثرت منه

لبس البيت كثروا منه يا عرايس

جيزات .. برمودات ... بيجامات بناتيه .... تنانير قصيرة بنوعيها فوق الركبة وتحت الركبة ... بديهات منوعة بحمالات او بأكمام أو من غير اكمام بالمره او بأكمام طويلة والله تنفعك كثير ..قمصان وبناطيل رخيصة بس حليوه لوقت الطبخ خخخخخ عشان يشوفك بكل مكان أنيقة .. ملابس داخلية بناتيه حلوة للبيجامات القطن .... قمصان نوم قطنيه قصيرة تنفع لأيام الدورة ... فساتين قصير من غير اكمام .... فساتين طويلة من غير اكمام الي تجي على شيفون ناعمات مره على اللبس ها النوعية .... شو بعد يا ربي امممممممممممم ؟؟؟؟ هيه صح المشايات مالت البيت خذي حتى من محل أبو ريالين حلوين على اللبس .... والخلخال الاكسسوار تعرفونه ؟؟؟؟ تلقونه بكليرز اتوقع وبالكشكات الي تكون بوسط السناتر رخيصة تنفع للبرمودات وغيره

يعني باختصار بالبيت كوني وحده خربانه خخخخخخخ زوجي يقولي ما توقعتك تلبسين كذا شكلك برا مره محترم .......... الله يسامحه خخخخخ

والاشياء الي ندمت كثير اني سويتها

المكياج الماركات ما له داعي غباء بغباء كثير ومكدس على القلب .... اقلام الروج قمت أخذ الوان متشابهه وانا مو منتبه ... ما كثرت من القلوس مع انه أحلى شي بالبيت والعطور ما اتحسر على شي كثر العطور والله ما لها داعي احجام كبيرة ........ خذي أحجام صغيرة لانه فيه عطور يمكن ريحتها ما يحبها الزوج .... وحتى كريمات الجسم لا تكثروا منها ... وقمصان النوم لا تكثري ههههههه 5 دقايق وتروح ادري قلة ادب ها العبارة بس بجد حبيت افيدكم لا تكثروا منها عندي خانه كاملة قمصان نوم حسبالي طول الوقت بكون بقميص النوم ههههههههههههه فلا تكثروا منه وملابس الطلعات حسبالي الديرة كلها بتعزمني بعد العرس خخخخخخخخخخخخ فنص اللبس ما لبسته والنعل الله يعزكم خذيت دولابين لهم وكل ما اشوفهم امووووووووووت حسره ما لبست كل جزمة منهم غير مره او مرتين اه يا حسره قلبي ... وخيطت فساتين وايد حسبالي بروح أعراس الدنيا بعد العرس وما رحت ولا عرس بفستان زوجي ما يرضى البس فساتين والحين طايحين على قلبي


هيهصح تذكرت شي حاولي تاخذي انتي بكتريا لان اغلب طلعاتكم بتكون حواطه بالسيارة ههههههههه يعني فجعة ما تبون تشوفون احد باول فترة يعني الرومانسية تكون مقطعة بعضها فراح تحتاجون قبل الاكل او اذا توسخت ايدكم لها المنتج خخخخ زي الصابون بس ما يحتاج تغسلوا ايدكم بعده بماي ويقتل الجراثيم مفيد للجميع وخاصة لو تعودوا اطفالكم بالمدارس لو دخلوا الحمام الله يعزكم أو قبل الاكل يستخدموه عن الجراثيم تلقونه بكل مكان وباحجام مختلفة وسعر رخيص


.... والله يوفق الجميع وان شاء الله أكون افدتكم

تسلمين على النصايح الحلوة