السلام عليكم
مساء الخير يا أخوات
الله يجزاكم الخير ويكتبلكم بكل خطوة سلامة جميعكم, والله صدقا ما في أحلى من عمل يشكر فيه صاحبه في ك وقت ويدعى له وتكون مثل صدقة جارية له.
أنا أكثر بنت يمكن ما عندي فكرة بتاتا وأبدا عن شي اسمه تجهيز أو حتى موضوع خطوبة خير شر وقريت كل الصفحات تخيلوا ؟؟ وأدعي لكل البنات اللي يكتبون فيه وأتنفس الصعداء اني مارح أتوه بحياتي لما أجهزمن جد مجهوود نسأل الله انه يكتبه بميزان حسنات القائمين عليه وليس بخلاً أو ضيق وقت ما أضفت معلومة عندي بل لأني فعلا لا أنزل الأسواق أبدا لكن أوعدكم اذا بديت أنزل بناءا على الأماكن اللي وصيتوا عليها غير أكتب كل شي وكل مكان علشان أكون جزء بسيط من هذا العمل اللي فعلا الانسان يفخر فيه وانال جزء بسيط من دعوات الاخوات التائهات مثلي بهذا العاالم اللي اسمه " تجهيز عروس" طبعا أنا سويت خطاب لكنه طلع فجأة الكلام من قلبي
وجزاكم الله ألف ألف خير

السلام عليكم ..

هلاا ومرحبااااااا بكل البنات نورتو الموضوع

ngiioiii

ياهلا فيك واحلى مافي الموضوع جمعة البنات ونصايحهم ودعاءهم لبعض حياك الله بينا حبيبتي ..

غلا عمري
زين فاال حلوو لك وان شاءالله نفرح فيك قريب ..

غدير

ان شاءالله غلا عمري تساعدك لانها من الامارات عندها خبره ان شاءالله ..واذا مالقيتي روحي قسم
ساعدوني واكتبي موضوع لبنات دبي واكيد البنات فيهن خير وراح يردون عليك ..

:26:

بناات

قولوا مشاءالله تبـارك الله ..وادعولها بالتوفيق ويتمم لها على خير ..

انا جهزت لبنت خالتي ب 3 ايام حددو عرسها يوم السبت جابو المهر 9 بالليل وعرسها يوم الاربعا تخيلو:icon33:

رحنا

شرينا المكياج ونص قمصان النوم والاستشوار مع كم غرض ناعم .. الاحد ثاني يوم رحنا شرينا مفارش السرير والفوط والطقم وكملت
قمصان النوم مع بيجامات والبرمودات والملابس الداخليه كلها وكم شنطه وجوتي كشخه ومرينا شرينا 3 ساعات ذهبي وفضي وسراميك لونها يجنن والشنط الكبيره حقت اغراضها.. العصر راحت الصالون سوت برنامج ورحت شريت لها البدل مع الدراعات حقت الطلعات العاديه الاثنين رحت الصبح رحنا عشان العبي فصلت اثنين فخمه للعزايم وشرينا اثنين جاهزه وحده للاسواق والطبيب والثانيه للطلعات العاديه وبعدين شرينا قميص اول يوم مع الكورسيه وكملت الشنط والجواتي وخلصنا على ال 10 بالليل .. العصر امي راحت عشان تشتري الدراعات الفخمه حقت العزايم وانا وهي رحنا لطبيب الاسنان وسوت لها تنظيف وطلعنا للصالون حفت جسمها ومرينا السوق اخذنا طقم الحمام وشموع رجعنا ع ال9 بدري يعني خخ تذكرت ان ماعندها رداء ابيض عشان تلبسه اذا طلعت من الفندق .. الثلاثاء االصبح مارحت بس امي وهي راحت يشترون الذهب العصر امي فصلت لها الرداء شريت الاكسسوارت مع ربطات الشعر واكسسوارته وطلعنا كل شي يبي له تضبيط .. هلكت وتكسرنا:icon33:

طبعا الصالون اختي راحت وحجزت الحمدلله وزعنا الشغل على بعض وحده مسكت الحجز ووحده تروح معاها للصالون عشان البرنامج وانا اخذت الفرفره بالسوق ..

الحمدلله تيسر وعدى على خير
فستان اول يوم لبسه اولى اخذته من مرت خالي ..وديناه للمصبغه قالو يطلع قبل العرس بيوم

طبعا تأخرنا ومامدانا نجيبه وحنا بالطريق لقينا سيارة المصبغة اللي توصل للبيت وعليها الرقم وسجلته بتلفوني ودقيت عليهم وجابوه..
:09:
المصوره االلي نبي نحجز عندها لقيتها بالسوق تشتري ونطير:icon28: عليها نعطيها الرقم وجت بعد ساعه
حجزنا للتصوير والدخله والحمدلله تم على خير

طبعا 3 ايام طلعت لي قرون من كثر ماافكر شلون نخلص كل الشغل حتى نوم ماانامه كني انا العروس:angry:

طبعا الغلط كان بتحديد العرس والمهر كان ناقص بس الحمدلله على كل حال هي نيتها زينه والله رزقها على قد النيه ..

ونصيحه يابنات اي وحده تملك تكون جاهزه مليون بالميه وكاتبه كل شي بورقه عشان مايصير لها
اللي صار لبنت خالتي ولتحسبا لاي طارئ .. بس ابيكم تعرفون ان التجهيز صحيح شوي فيه تعب بس
الترتيب له والتخطيط اذا كان صح راح كل شي يتسهل ..

وكل شي توفيق من الله اهم شي الوحده تسلم امورها لله بكل شي وماتستعجل بكل شي وتفكر قبل اي قرار تاخذه وتهـونها وتهوون والله يوفقكن ويرزقكن الازواج الصالحين يااااارب

هلااااااااا وغلااااااااااا

تسواهن ماشاء الله لا اله الا الله

الله يوفقها ويسعدها يااااااارب