أم سيراء

أم سيراء @am_syraaa

عضوة نشيطة

💕عشان كذا .. أنا أرحم أمي 😔

الأسرة والمجتمع

تدون ليش أنا أرحم أمي 💕

السلام عليكم حوائيات
أخباركم

حبايبي
أمي أرمله
ومدينه وطيبه مررره
من أول حياتها
وبسبب حسد وغيرة نساء من قرايبها صاروا يعادونها وصاروا يتكلمون عنها ويبعدون عنها أصدقائها وكل الي يحبونها لما أفسدوا سمعتها

إبتلاها ربي بإخوان سيئين يحطمونها يسيئون إليها يجرحونها يهينونها
أمي مو موظفه ومايعلم في حالها إلا ربي

صحيح انا وثلاث من أخواتي متزوجات بس وللأسف أزواجنا ماعوضوا أمي الي فقدت ماأشوفهم يزورونها كثير ولا يكونون مثل أولادها لأنها ماله أولاد

الآن أمي كلن معاديها من أقاربها وأهل زوجها وبهم مايعلمه إلا الله
كل ماتضايقت تفتح كتاب الله وتقراء
ومحافظه على صلاة الليل وسنة الضحى وحجابها
وأمي أنسانه كتووومه اكتم الي بخاطرها وتلتمس للي ظالمينها عذر

الحين أمي جالسه في البيت مهمومه مكروبه لا وضيفه ولا صديقات ولا أهل يوانسونها


أمي والمشكله مو كبيره لا بالأربعين بس أنها من كتمانها وهمومها جالها قالون عصبي وتغير وجهها وشحب والشيب ملاها
وأمي تكتم وتحاول تبين لنا البسمه لكن يبان حزنها على وجهها وهمها وصارت بسبب الظغوط الي عليها عصبيه

إحنى جلسنا نفكر كيف نسعد أمي أو ننقذها من هاالحاله
فأقترحنا على أمي تدرس يومين في الأسبوع في دار القرآن منها توسع صدرها وتحفظ كتاب ربها لكن امي ودها لكن رافضه لأنها قبل عشر سنين درست في الدار وشافت معامله سيئه منهم وتركتها وعلى فكره امي من طبعها حساسه وحساسيها ضرتها
مثل أزواجنا لما يخدمون أمي يبان في وجيههم الكره لخدمة أمي فأمي تستحي منهم وتقول هم مايحبون فخلاص ماأخليهم يخدموني

والشي الثاني امي ودها بجوال وتدخل النت بس هي ماتعرف له وإشترينا لها وخواتي جوال بس تركته تقول ماأعرف وهي ودها تدخل النت وتوسع صدرها لكن بسبب ضروفنا الماديه رافضه أنا نشري لها جوال أحسن من جوالها الي شريناه لها


المطلوب
:
تدعون لأمي أن الله يطيل في عمرها ويسخر لها عباده وبلاده ويشفيها
وثانيا تدعون لها أن الله ينصرها على من ظلمها والله أن بعض من ظلمها شفنا عقوبته بأعيننا
وثالثا:تعطوننا إحنا وأخواتي أفكار نقنع أمي في الدراسه بالدار ونقنعها بإستخدام الجوال والنت

اسأل الله أن يجزي مل من أجابت جنانه العالية😍
32
7K

يلزم عليك تسجيل الدخول أولًا لكتابة تعليق.

تسجيل دخول

حبيبة بنو
حبيبة بنو
ياعمري الله يسعدها ويرزقكم من اوسع ابوابه على بركم لها طيب حاولو كل اسبوع وحده تروح يوم مع امكم للدار لين تندمج والجوال اذا تقدرون تشترون لها كل وحده تجمع مبلغ وتهدونها ماراح ترفض واسعار الجوالات الحين زينه مب غاليه يعني بنشترون جالكسي اس فور يمديه وصل الف وست تقاسمن المبلغ او عادي ثري بالف وثلاث اهم شي شاشته كبيره اريح لها
DREAMZSA7
DREAMZSA7
الله يطول في عمرها
zozo15
zozo15
الله يطول في عمره ويمدها بصحه والعافيه والله يرزقه سعه البال والصدر واهم شي انتم لا تهملونه خليكم كل يوم عندها واذا تبي النت اشتري لها ايباد واشرحي لها خطوه خطوه مثلا كيف تدخل بوتيوب وحطي لها القصايد والاناشيد ألبدويه وبعدين الواتس وكذا لين تفهم شوي شوي
الأنامل المبدعة
الأنامل المبدعة
أسأل الله أن يحفظها و يطيل عمرها على طاعته ..
نفسيه تايم
نفسيه تايم
😞مثل امي حبيتي وعيوووووني الله يحفظها لي اه بس من الظغوووط الي حولها عصبيتها موطبيعيه اه بس