الموضوع سبب كتابته بنتي اللي عمرها سنه الله يصلحها ويهديها البارح ما نامت الين طفشتني من جد
مع انها شبعانه ومروشتها وما هي تعبانه لاكن ما فكتني ولا لحظه وانا طول الليل ادور بها امشيها شوي وشوي العبها وشوي اهزها لاكن مانفع كانت متضايقه وبس تبيني اضمها طول الوقت واول ما تنام اجي احطها على سريرها ترجع تصحى والله يابنات ضاق صدري ونمت متكدر خاطري والعبره خانقتني ودمعتي فعيني اكيد بنتي تعبتني وضيقت صدري بس موعشانها بس... تدرون ليش ؟؟؟
طرا على بالي الاطفال الرضع اللي في دور الايتام شلون ينامون اكيد فيه مناوبات وما يقصرون معاهم لاكن الطفل يحتاج شخص يثق فيه ويحس بالامان في حضنه ويحس بوجوده معاه على طول مو ينام مع شخص ويصحى مع شخص اخر والليل اللي بعده مناوبه ثانيه غير عن الليله اللي قبل انا بنتي مع انها بنتي جا لحضات البارح حسيت اني تعبت ومليت اكيد الموضفات ينتابهم نفس الشعور واكيد ماراح تكون رحمتهم لهم زي رحمة االأم والله اناضر عيون بنتي واشوف نضراتها كيف متعلقه فيني تقطع قلبي نضراتها لأني اتخيل اللي في عمرها ايتام ومهما يكون مافيه مثيل ولا بديل لحضن الأم مساكين يقطعون اللقلب لما نفكر فيهم بتعمق
انتي تخيلي ان طفلك الله يخليكم لأطفالكم ويخليهم لكم يعني لو انه فدار ايتام اكيد ماراح تغمض لك عين من احسساسك انه محتاجك صح ولا لا
كلهم اطفال زي بعض اطفالنا واللي في دور الايتام نفس المشاعر ونفس الإحتياجات ونفس التفكير لاكن الفرق ان الله قدر لبعض الأطفال يتنعم بحضن امه الدافي وبلمسةايدينها الناعمه والبعض على سرير بارد جاف من اي مشاعر ولا حضن دافي ولا لمسة حنان تطمن .
اخيرا
قال تعالى (فأما اليتيم فلا تقهر)
من منا وقف مع نفسه
من منا يكفل يتيم
من منا يذهب علي الاقل يوم كل شهر ليفرح طفل يتيم ؟
ويستشعر الآلام الذي يعانون منه الأيتام وما يعلم به إلا الله سبحانه وتعالى
ووصانا بهم رسولنا الكريم ...
قال رسول الله صلى الله عليه وسلم : (من ضم يتيما فكان في نفقته، وكفاه مؤونته، كان له حجابا من النار يوم القيامة).
قال رسول الله صلى الله عليه وسلم: (من مسح برأس يتيم كان له بكل شعرة حسنة).
قال رسول الله صلى الله عليه وسلم : (من عال يتيماً حتى يستغني عنه أوجب الله له بذلك الجنة).
قال رسول الله صلى الله عليه وسلم: (أنا وكافل اليتيم كهاتين في الجنة وأشار بأصبعيه السبابة والوسطى).
مطر الامنيات @mtr_alamnyat
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة