عشان كوره..🙂!

بنات ابي افضفض لكم جد مصدومه  من اللي صار… زوجي خسر فريقه، ودخل البيت تقولون راكبه جني ! أنا بعد أشجع نفس الفريق، بس مو لهالدرجة من التعصّب. يعني هي كورة بالأخير، مو نهاية العالم!!
المهم من أول ما دخل وهو معصب ويهاوش بدون أي سبب، وأنا ساكته، أحاول ألطّف الجو، أضحك معه، أهون عليه، حتى قلت له تعال نشرب قهوة ونشوف لنا فيلم ونروق شوي… لكن اللي صدمني انه جاني لين المطبخ، وبدون أي مقدمات، وكسر عدة القهوة قدامي والمواعين! وعفس المطبخ وطلع وكأن شي ما صار، ولا كأنه خربط الدنيا وكسر بخاطري ..
واللي يقهر أكثر إني كنت أفكر فيه، أحاول اهديه، واضحكه بس هو قابل كل هالنية الطيبة بعصبية وكلام جارح وتصرف مو طبيعي… كل هذا ليه؟ عشان فريق؟عشان لاعبيين مادرو عنك وظيفتهم يلعبون ٩٠ دقيقة على كورة بالهواء عشان ياخذون ملايين وماطقو لك خبر؟؟
والله حسّيت بغصة بقلبي وقتها من تصرفه وكلامه وتجريحه ! عشان شيء تافه يضايقني كذا !!
معقول كورة ممكن تخلي الواحد يعامل شريك حياته بهالشكل؟ جد اسألكم، هل في أحد توصل فيه العصبية لهالحد؟