هلا بنات انا جمعتلكم موضوعي اللي هو
استفيدو من خبرتي واطبخو في رمضان نص ساعه فقط
عشان الكل يستفيد والبنات لا يرفعون الموضوع القديم خليكم هني على هذا افضل لكم شاكره لكل من يرفع الموضوع للاستفاده
السلام عليكم حبيت افيدكم واكسب اجرعبادتكم في رمضان واستفيد من دعواتكم لي بالتوفيق والهدايه
طبعا خبره عريقه بالطبخ السريع ولله الحمد والمنه صلوعلى النبي بنات
اوكي نبدا
قبل رمضان بشهر نروح اي سوق فيه تخفيضات للاكل ونشتري كلما هو لازم
ثانيا نجيب اواني من القصدير وعلب نايلون وكياس ونايلونتغليف
ثالثا نفضي الفريزر واذا امكن نشتري واحد اضافي وياليت يكون عمودي افضل
يالله نبدء
اللحم المفروم
افرمي كمية بصل كبيره وهني المكاين تسهل عليج الشغل اكثروسوي لحم مفروم معصج كميه كبيره حطي عليه بس ملح فلفل اسود وبهار لحم علشان عندالطبخ اظيفين النكهه المناسبه مثل نعناعدبس رمان اوبقدونس حسب الطبخه المطلوبه المهم بعد مايستوي تبردينه وتحطينه بعلباوكياس وتثلجينه واستخدامه كالآتي
كوسا قوارب مثلا بساسلقي الكوسا وحفري نصا وحشيها بالحشوه الجاهزه وسوي البشاميل السريع اللي مناختراعي واللي راح اذكره لاحقا
المعكرونيا بانواعها همحطي الحشوه الجاهزه وسوي البشاميل السريع وراح اذكر لكم طرق صاروخيه لسلقالمعكرونه بدون توسيخ مواعين
اللازنيا الاروع والاسهل على الاطلاق واللي بدقايقتسوينه وبدون توسيخ مواعين ذكروني اقولكم عليها
وبعد من استخداماته الصفيحه اللي مطلوب منج بس تعجنينالعجينه ام عشر دقاير وتظيغين عليه شوية دبس رمان وبقدونس ويكون حشوه جاهزهللصفيحه
ومن استخداماته حشوه للشيش برك
وللكبه ايضا
والغوزي .........الخ الخ
والحين اجا دور الدجاج
اسلقي كمية دجاج اللي تحتاجينها وخلي يطلع منه مرق دجاجمركز وخلي المرق على جنب له استخدامات اخرى
نجي للدجاج نص الكميه خليه كما هو مسلوق فقط وحطيه فيصحون بلاستك ولفي عليه نايلون تغليف بشكل محكم وثلجيه شنو استخدامه انا اقولج فيرمضان سوي العيش السريع اللي يخلص بدقايق وله عدة نكهات وعدة اشكال ونفس الطعمالمطلوب وهذا راح اعلمكم طريقته بعدين وطلعي الدقوس المثلج الجاهز اللي راح اذكرطريقته بعد شوي وبس قلي الدجاج عليه باقل من نص ساعه الوجبه الرأيسيه جاهزه
اوكي هذا الدجاج المسلوق الكامل
اما نص الكميه الثانيه نتفيه وسويه دجاج منتف يعني نفسالمسحب وثلجيه بكياس صغار واستخدامه كالاتي
لحشوات المعكرونيه
لحشوة الصمون الفرنسي
للكبه
للسنبوسه
للفطاير للرولات والرولات هم راح اتجهزينها وتثلجينهاوراح اذكر طريقتها بعدين
اوكي
نجي للسمك
اسرع طريقه واسرع اكله والمعازيم راح يقولون ياحرام مسويهسمك وشكلها واقفه بالمطبخ من الصبح وانتي بس اطلعين وتذوبين وتقلين
اوكي نجي للطريقه
انجيب سمك طازج لازم طازج زبيدي هامور ....الخ
المهم
نغسله عدل ونشخله من الماي زين مازين ونرش عليه خلطةالتتبيله اللي تحبينها بس بدون ملح او ملح ليمون ونلفه بشكل مرتب وانيق ونحطهبالفريزر ونجيب كميه من الكزبره والشبتونفرمهم ناعم ونثلجهم كياس صغار حتى الثوم يندق مع حبة فلفل اخضر ويتثلج كياس صغار
نجي للطبخ طلعي السمك بعد ما يذوب رشي ملح وملح ليمونوخليه هذا السمك
خلص وسوي العيش السريع مال السمك اللي راح اقولكم طريقته بالاستعانه بالثوم والكزبره والشبت المثلجين واصلاالعيش تحضيره 5 دقايق فقط
وطلعي الدقوس المثلج وضيفي عليه حمسة الثوم الكزبرهوالشبت لمرق سريع جدا وقبل الاذان قلي السمك وخلاص
ونفس السمك المثلج تقدرين تحطينه في بايركس وتضيفين عليهشرايح بصل وليمون وشبت وكزبره وصلصة الطماط الطازج ودخلينه الفرن سريعه جدا
اللحم
مع اني احب طباخ اللحم بنفس اليوم ولكن بما انه رمضانوالشغل مايلحق يفضل انك تسلقين كميه من اللحم وتبرينه وتثلجينه بصحون قصدير معمراعات التغليف الجيد والمرق مالهيتثلج ظروري واستخداماته كل الآتي
لليخنات بس احمسيه على ثوم واضيفي له الطماط او معجونالطماط مثل ماتحبين وحطي المطلوب خضار باميه بطاطاو فصوليا اوي اي يخنه تحبها العيله
وايضا للمجبوس والبرياني ذوبيه وحمسيه مع الحشوهالمطلوبه سواء مجبوس اوبرياني وطبقيه داخل الرز
للكبسه سوي الصلصه المعتاده اللي تكون مثلجه وجاهزهوحطيه عليه الرز ويصير كبسه
او البخاري كذلك نفس الشي
الخضراوات
بما انه الجمعيه تسهل علينا هالمهمه اشتري خضار مثلجهجاهزة عشان نوفر الوقت لاشياء اخرى
نجي للجزء اللي يبي شرح طويلواللي هو الاكلات الجاهزهاللي تتثلج والاكلات سريعة الاتحضير الذكرتها قبل ووهذا جزء يبيله تفصيل ممل وانا الصراحه تعبت راح اخذبريك ولي عوده ان شاء الله
اهلا فيكم حبيباتي انكمل الحين بفتح ملف الاكلات اللي تتثلج كامله وان شاءالله بعدها اقولكم على طرق الطبخ السريع
بسم اللله نبدء
الفطائر
سوي عجينة فطاير اللي متعوده عليها واللي تبي طريقتيتطلب وسوي الفطاير كلها ميني وسوي بيتزا بعد ميني وشكلي بالحشوات خليها تستويتماما جاهزه للاكل وجيبي صحون النايلون وشكلي كل صحن من كل نوع شويه وغلفيها عدليا بنات التغليف اهم شي يحفظ النكهه طازه وصفيها بالفريزر وعند التسخين تذوب اولاوبعديت تتسخن بالمكروويف او الفرن كانها صنع جديد مايبين عليها
اوكي
الرولات السمبوسه والسمبوسك
شكلي بالحشوات ونوعي بالاشكال وثلجيها راح اتساعد جداخاصه بالعزايم الكبيره
الخضروات
البادنجان اشويه على النار من فوق وقشريه واهرسيه وعبيهبكياس التثليج طريقة الاستعمال
ذوبيه وحطي عله طحينه وروب وليمون وحبة ثوم وملح واخلطيهبشوكه يطلع مثل متبل المطاعم بالظبط وزوجي يحب هالاكله او بابا غنوج او بس اضيفي عليه سمن عربي وملح ينفع للسحور والطعم حلو
اقليه دوائر للمقلوبه والمسعقة او مربعات للفته والسلطات
الزهره والبروكولي ينسلق ويجهز لليخنات والعجه وهذيالخطوه تساعد الانه تكون الخضار مغسوله وجاهزه يعني مو تضيعين الوقت بالتقشيروالغسيل وباقي الخضار جاهز من الجمعيه واهم شي البطاط الجاهز يسهل عليكي المهمه
الحين الصلصات
اولا الدقوس جيبي ثوم وحمسيه وحمسي عليه معجون الطماطووحطي الماي مع ماجي وبهار وفلفله حاره وذوقي طعمه حلو ينفع للمرق السريع خاصهالمجبوس واذا كان العيش مع سمك بس اضيفي عليه حمسة الكزبره والشبت سريع وخفيف طبعايتبرد وينحط بكياس التثليج
ورق العنب
اتسوينه عادي وتطبخينه وتثلجينه وين السر ؟ السر هوبطريقة التسخين جييبي جدر حطي بطاط تحت وحطي ورق العنب وذوبي ماجي وزيت زيتونوعصير ليمون وصبي عليه شوي شوي ولمن يبلش يغلي قصري النار واول ما يحما شيليه كانهمطبوخ اليوم المحشي نفس الطريقه بس شرط يكون الرز ماله رز مصري اللي يعجن داخلهطبعا الطعم احلا وعند التسخين مايخرب
صوص المعكرونيات
طماط مقشرومهروس محموس مع ثوم وشوي معجون طماط ومايوماجي يضاف عليه التوابل اللي تحبينها اوريجانو ريحان نعناع بهار المهم هم يتثلججاهز للطبخ وفي عندي صلصات بعد كثيره مثل صلصة المطبق الكويتي وصلصة الكبسه كلهااجهزها واثلجها عادي
الحمسات
جميع انواع الحمسات لحم دجاج سمك روبيان خضار تجهز عاديوتثلج ما يصير لها أي شي عاي تسخن فقط
بنات راح اخذ بريك وفتح ملف الاكلات السريعه واللي ماتوسخ المطبخ وهذا ملف ممتع ولكن يبيله تفصيل انتظروني
CH @ch
عضوة
يلزم عليك تسجيل الدخول أولًا لكتابة تعليق.
زائرة
•
يسلمووووو رووووعه والله
الصفحة الأخيرة
نجي للطبخات السريعه
البشاميل
طبعا ماينفع يتثلج عشان جذي اخترعتوصفه سريعه جدا
اولا حطي في صحن ألأاتي
لكل كوب باشاميل 3 ملعقه حليب مجففو2 ملعقه طحين وكوب ماي مغلي يعني اذا 3 اكواب بشاميل 9 حليب و6 طحين 3 ماي ونخليهعالطاوله ونجيب ماي بالغلايه يكون يغلي وماجي لكل كوبين حبه وحده 4 اكواب كرتونهبحبتين مفهوم
الحين عالسريع الخلاط العمودي جاهزوالماي يغلي حطي الماي والماجي وخلطي لين اتذوب حبه الماجي وبسرعه حطي الطحين معالحليب المجهر كل الكميه مره وحده وخلطي راح يصير البشاميل جاهز بدون ماتحطينه علىالنار صبيه فورا على البايركس والطعم ماراح اقولكم انتو جربو وشوفو شلون
الارز السريع
طبعا احنا قلنا الدجاج مسلوق جاهزوالسمك متبل وجاهز يبقى الرز شلون
جيبي بصل شرايح بالطول يعني جوليانمفهوم وثوم مدقوق مع فلفل وزنجبيل وبهار مطحون اهم شي اللومي الدارسينوالهيل والبهار الكاري وضيفي حسب ذوقك من ظمن الاضافات بعد الخضروات اذا تبينالارز اخضر بازيلا وبقدونس وكزبره اذا تبين على احمر شوي طماط مهروس واذا على بنياحمسي البصل واجد واحمسي البهار معاه واذا اصفر خلي البصل ذبلان بس وحطي صبغ عيشوزعفران واذا رز للسمك ينحط له السبت والكزبرع واذا في راس سمك حطيه مع الرز عشانيعطي النكهه وعند الصب ارميه
اوكي
المهم الرز ينغسل ويتنقع بماي حارجدا لمدة ساعتين
الحين التحضير السريع
حطي الجدر علي النار حطي البصلوالثوم وحمسي عالسريع وحطي الاضافات البهار وغيرا وصبي الماي الساخن حطي ماجي وملحوتذوقي الملح عدل واخيرا حطي الرز علي النار العاليه على الاخير وخليه يطبخ زوديمايه شوي خليه مكشف لا تغطينه لين ينشف الماي كله وبعدين غطيه وحطيه على اهدى نارعندك وانسيه روحي سوي شي ثاني غيره
راح يصير كانه مال مطاعم التحظيرربع ساعه فقط
المعكرونيه
طبعا في ناس ماتحب تستخدمالمايكروويف وفي ناس ماتعرفله بس المايكروويف يسهل عليج جدا في رمضان واللي يخافونمن الاشعاع اقولهم اذن ابعدو عن كل شي الجوال التلفزيون العاب الالكترونيه كل شييطلع اشعاع والامراض اللي موجوده الحين من الله والموت له يوم واحد لايتقدم ولايتاخر عشان جذي انا استخدمه عادي واتكل على الله
المهم واني اتجهزين حشوه المعكرونيه اللي هيه اصلا جاهزه ومثلجه حطي المعكرونيا في طشت وصبي عليها مايحار وملح وشوية زيت وحطيها بالمكروويف وضغطي الزر اللي عليه رسمه النودلز وكل شويحركيها بالملعقه لي جهزتي الحشوه والبشاميل طلعيها وتكون جاهزه ولا جدور ولا بطيخوهم تفضي لج الفرن لاشاء اخرى
طبعا القلي مهم لازم نشتري قلايهواجد تسهل المهمه حطي القليه وروحي سوي شي ثاني
المهم تكونين سريعه جدا وتحطين كذا شغله مع بعض وديرين بالك عدل يعني مو تروحين اطالعينالتلفزيون شويه وتقعدين شويه لا من تدخلين المطبخ ما تطلعين الا وانتي ناهيه كل شيوروحي تعبدي شوي وقبل الاذان بنص ساعه دشي لللمسات النهائيه في ملف للحلو بس مؤجل حاليا
هلا حبيباتي شكرا للمتابعه
انكمل
قبل ما كمل في شغله حبيتاوضحها للبنات
من فوائد التثليج انه لمننطبخ نص الوقت تقريبا يضييع بالتجهيز للطبخه هذا قبل ما نبلش بالطبخ يعني نص الوقتوين يروح انا اقولكم على تقشير البصل تنظيف الخضراوات وقص البصل وفرم الثوم وتقطيعالخضار بالاضافه الى اخراج اللحوم من الفريزر وتذويبها وتنظيفها وتقطيعها هذا غيركمية الصحون والادوات اللي تتوسخ يوه معاناه لكن مع الثليج الامر اكيد اسهر كل هذايروح تخيلي كميه الوقت اللي راح يتوفر علينا
المهم نكمل
الحلويات
هم هذي شغله ادوخ ستالبيت طبعا بعد الاكل لازم حلو
اوكي نبدا
جيبي دايجستف كميهوطحنيها وعجنيها بزبده وثلجي على حجم صحن الفرن اللي عندك هذا للجيز كيك جاهز بسطلعيه قبل مده عشان يذوب وطحني بعد كميه وخلها بكياس بالثلاجه العاديه هذي عشانالحلويات الثانيه اللي تحتاج هذا البسكوت
جيبي كميه من القطايفوحشيها حشوات مختلفه كيري ومكسرات او حتى لحم مفرم هذا للموالح طبعا وتلجيها بصحونوجهزي كميه كبيره جدا من الشيره القطر ومقدارها كالاتي كل كوبين سكر كوب ماي ولمن يغليحطي ملح الليمون وخليه 10 دقائق وبرديه وحطيه بعلبه كبيره بالكبت هذا راح يكفيكيكل ومضان
وقت التحضير طلعي صحنقطايف قليه عالسريع صبي الشيره زينيه بالمكسرات والسفره سيدا
رولات الكيري
جيبي كميه من التوستوشيلي الاطراف وظغطي عليه بالنشابه الثقيله ليما يتسطح يصير ورقيق كانه خبزق احشيهكيري ولفيه رولات وبالكري بلليه بشوية ماي ورصيه حيل جنب بعض لفيه بنايلون وثلجيه
طريقت الاستخدام طلعيهقليه حطيه بالشيره وزينه بالمكسرات المطحونه او جوز الهند سريع الوطم لذيذ
البسبوسه
جيبي كياس وحطي داخل كلكيس مقدار البسبوسه كامل حتي البكينج باودر طبعا بس الناشف السوائل بعدين وحطيه بالثلاجه العاديه
عند التحضير طلعي الكيسوفرغيه بالصحن وحطي السوائل وخلطي طبعا يسرع المهمه
جيبي قوالب من الكاكاوذوبيه وخلطي معاه القيمر والزبده ولمن يصير الثقل اللي انتي تبينه حطيه بعلبهبالثلاجه وخليه عند الاستخدام اخذي منه الكميه المطلوبه ودخليه المايكروويف لثوانيبس يدفى مو تسخنينه خليه دافي بس راح يطلع كانك مذوبته الحين واستخدميه
اما الكيك
فجيبي الخليط الجاهز اسرعواظمن
وبالنسبه لحلو القهوه
اقعدي على الانترنت وطلعيمن الوصفات السهله السريعه وكتبيها او سويلها طباعه وحطيها بكتاب داخل المطبخ ابدئي بالاسهل والاسرع
طبعا بنات ترتيب المطبخيلعب دور كبير جدا بالشغل السريع يعني البعارات تكون قريبه ومرتبه وكبت اللي فيهغراض الحلو لازم كل الغراض تكون بكبت واحد عشان ما تضيعين الوقت بالدواره وحتى ترتيب المواعين لازم ادوات الحلو بكبت خاصوالاشياء الصغيره تكون مجموعه بسله واحده عشان تسهل المهمه
بنات بعد هالمجهود ابيمنكم دعوه يمكن يكون الوقت وقت استجابت دعاد ادعولي
اللهم اجعل من كتبت هذا الموضوع من الذين قلت فيهم
تَتَجَافَى جُنُوبُهُمْعَنِ الْمَضَاجِعِ
يَدْعُون َرَبَّهُمْخَوْفًا وَطَمَعًا وَمِمَّا رَزَقْنَاهُمْ يُنْفِقُونَ