السلام عليكم ورحمة الله وبركاته
كيفكم حبيباتي
هذا الموضوع تكملة لموضوعي الاول
بس لأن الموضوع دخل في الازياء واسعارها حبيت اكمل هنا
هذا رابط الموضوع الاول للي حابة تستفيد
http://forum.hawaaworld.com/showthread.php?t=3825682
ما ادري اا المشرفات راح يسمحوا بالموضوع في هذا القسم
المهم حبايبي كثيييييييييييييييييييير اللي يفصلوا
وكثييييييييييييييير اخوات ارسلوا لي رسايل وقالوا الخياطات عندنا اسعار الفساتين عندهم تبدأ من 500 او 700 ووحدة قالت ان خياطة قالت لها اسعاري تبدأ من الف وطالع طبعا هذي الاسعار اسعار ابسط فستان
خلونا نتكلم عن صاحبات المشاغل::
انا ما راح اتدخل في اسعارهم....لييييش؟
لأن وراهم دفع ايجار ورواتب وكهربه ورسوم ما ادري حقت ايش يعني اسعارهم اكيد ما بتكون رخيصة(بس بعضهم يبالغوا..كنت في مشغل وشفت الاسعار كيف )
انا هنا بتكلم عن الخياطات اللي في البيت واللي خياطتهم تشبه الفساتين الجاهزة اللي جاية من برى(مو زي خياطة الهنود والبنقاليه هذي انا مالي فيها او زي خياطة العمارة الزرقا اهل جدة يعرفوها هذي انا ما اعتبرها خياطة ابدددددددددا)
المهم
عندك قماش واخترتي موديل(وهذي اكبر غلطة ....اول شي تختاري الموديل وبعدين روحي للخياطة تشوف الموديل وتقول لك نوع القماش وكم متر تحتاجي لأن في موديلات لو غيرتي قماشها ما تزيط واكثر الخياطات ما ينبهوا الزباين على هذي النقطة وعشان كذا يحطوا العيب على الخياطة انها ما طلعت الموديل زي الصورة والخياطة اذا كانت شاطرة راخ تقول لك ايش الاقمشة البديلة اللي ممكن تشتريها لو ما لقيتي نوع القماش اللي معمول فيه الفستان في الصورة او تفهمك ان هذا الموديل ما ينفع لشكل جسمك وممكن انو سعر القماش والخياطة وشغل اليد يكلفك اكثر من قيمة الفستان اذا كان جاهز وممكن تقول لك غيري الموديل اذا ما لقيتي القماش ولا بديل له لازم الخياطة تفهم الزبونة بأي شي ممكن يتغير في الفستان اذا اتغير القماش او زودت الزبونة اضافات مو تسكت والزبونة كمان لازم تسألها كيف لو حطيت كم هنا او غطيت هنا الخياطة الفاهمة بتقول لك كل شي ممكن يصير قبل ما تمسك القماش عشان تكوني على بينة)
نرجع..... اخذتي قماشك والموديل للخياطة( مو اللي في المشغل) الخياطة اللي في البيت
موديلك يتكون من فستان سهرة سواريه قصة صدر سنتيانة درابيه بسيط على الصدر وذيل سمكة من تحت وفي تطريز خفيففي نص الصدر(متخيلين الموديل)؟؟بسيط وناعم وانيق
قماشك حرير ملون وفيه فصوص كريستال (هذا الموديل شفته في الانستقرام وكان سعره في حدود 1000 ريال.طبعا جاهز)..
جات الخياطة قالت لك سعر التفصيل 700 ريال!!!!!!!!!!!!!!:humm:
700؟؟700؟؟ من جد بتدفعوها؟؟حطوا عينكم بعيني ..بتدفعوها؟؟من جد؟:ohplease:
اماتدفعوها.....اللي بتدفعها لا تكلمني
ليش 700؟
تابعوا معايا الخياطات كيف يستغلوا الزباين........
اول شي لما تشوف القماش غالي تزود لك في السعر.......المفروض الخياطة مالها شغل في نوع القماش
قماش مترو ب10000 او ب5 ريال نفس الباترون ونفس الشغل راح يتعمل ما تفرق نوعية الاقمشة الا في الحالات التالية ويزيد السعر شوية شوية مو كثير
اذا كان القماش فيه فصوص كريستال لأنها لازم تشيل الفصوص من طريق الابرة وترجع تركبها بعد تشطيب الفستان
الخرز نفس الكلام
الجوبير(الدانتيل السميك) لانه متعب في الخياطة
اذا غيرتي القماش من قماش ثقيل يعني يحتاج بطانة وحدة زي الحرير والتفتا الخ الخ الى قماش خفيف يحتاج بطانتين زي الشيفونات والاروجنزا والدانتيلات والجوبيرهنا كمان يزيد السعر
هذا بالنسبة للقماش.
يتبع........
في انتظارك