بس بذكركم فيها عشان الي ناسي او الي مايعرف
خطوات مهمه عشان تضمنين لوك احلى للعين
اول شي طبعا لازم تبدون بالعين بعد ماتحطون الكريم الاساس والكونسيلر بس
لاتحطين بوددر الخدود قبل
ودايما لما تحطين كريم غالبا حواجبك تتغطى بالكريم وتصير مغبره
الحل
انا اييب مناديل ازاله الميكب الرطبه وامسح الحاجب بصبعي الف المنديل وامسحه امشي عالخط بس يرد طبيعي
بعدين اذا كان الشذو النوع الي يدمر ويلعوز يفضل تحطين قطن تحت عينك ولما تحطين الشذو بالعين اليمين ميلي راسك لليمين عشان ينزل الشذو من العين لبرا مش عالخد واذا عاليسار ميلي راسك لليسار دايما اسويها فما ينزل شي على خدي
لاتنسون هالاشياء :
الاضاءه الي تحت الحاجب لانها واجد تحلي اي رسمه بس لاتكون اوفر
التاتو للحواجب يخلي الحواجب فرش وشكلهم مرسوم ويهبل ويفضل درجه بني متوسطه وانا احب مال بودي شوب استخدمت سيفورا موطبيعييييي الي معاه رسمات للحاجب
واهم شي لميكب عين حلو الريشات الي تستخدومنها وايد بنات يستهينون ويشترون رخيص مايدرون ان السر بالغالي
مثل فرش ماك وباقي الماركات صج الريشه غاليه بس تسوى لانها بتعمر معاك وتعطيك لوك
واو صج فرق بينها وبين الرخيص عن تجربه
حرام تشترين مكياج ماركه والبرش موزينه
وبقولكم عن اهم ريشه صج فرقت معاي لما استخدمتها كنت دايما ماعرف ارسم مثل شكوى كل البنات خط تحت العين اسود او غيره
مثل هذي
السر اهو بالريشه المسموته المايله انا ماخذتها من تورك مولاقيه مثل الصوره الي ابيها بالضبط
بس مثل هذي تقريبا على اضعف واسمت حتى تحسينها موريشه كثر ماهي مسموته صايره يابسه اول وحده عاليمين
وهذي بس يكون اقصر الشعر
هذي بتريحك ترسمين بالشدو الاسود او اليلاينر الي مثل الكيك بماك موجود
وبعدين اذا في غلطه او شي زايد استخدمي قطن الاذون عشان تصلحين
واخر خطوه اهي الماسكرا
طبعا حركتها حلوه عشان ماتطبع فوق
نصيحه خلطو اكثر من ماسكرا 3 انا احط صج غير عن لما وحده مهما كانت حلوه
واروع شي للخلط مالت ماك فلاش فوليوم تطووووووووووووووووووووووو وول الرموش
والطريقه الحلوه للماسكرا قبل لاتمشطين رموشج اول ماتطلعينها
مسحي الي زايد منها عالطرف مال ريشتها البوز على رموشك امشي عليهم راح تصير طبقه عليهم سائله بعدين مشطي رموشج يصيرون ثقال ولونهم غامق
ولاتطولين بين ماسكرا وثانيه قبل لاينشف حطيهم
واخر نصيحه اقدمها لكم للشذو
لاتحطون لون واحد على كل العين اذا كان اللون غامق مايطلع حلو
احسن تدرجيين بالون من الفاتح من الداخل للغامق من برا او بس عالجفن المتحرك وفوق لون فاتح
واخر شي بقولكم ترى لون العين الطبيعي كثير احلى من العدسات الي تشيل لمعه العين الطبيعيه الحلوه البريئه ؛)
واتمنى لك
لم ميك اب ولا احلى
ادعولي كل الي ابيه منكم
شكرا