عشبة عجيبة لتطويل الشعر ..... مجربة

مساءك ورد وجوري وريحان
كيفكم حبيباتي ياعساكم بألف خيــــــــــــر

يااغلى حوائيات اللي تبي تطويل شعرها تستخدم عشبة الياس وتسمى ( الآس ) بتلقونها عند العطار بس من جد وربي يابنات انها تطول بشكل ماتتخيلونه
استخدمتها فترة واول مااستخدمتها كان شعري لحد كتوفي وبعدها بشهرين صار لنص ظهري وزميلاتي لاحضو هالشي وسألوني وقلت لهم عن هالعشبه
انا قريت عنها بالنت ولما استخدمتها تأكدت من صحة الكلااام اللي قرأته
طريقة استخدامها.......
خذي العشبه من عند العطار بالمقدار اللي تبينه و اطحنيها زين لحد ماتصير مثل البودرة وحطيها بعلبة فاضيه وبالليل حطي منها ملعقتين في كوب مويه دافيه وغطي عليها بصحن صغير وخليها لمدة نص ساعة بعدين صفيها بمشخل وخذي مويتها وحطيها على جذور شعرك يعني حطيها على فروة الرأس وافركيها زين عشان تتحرك الدورة الدمويه وافركيها زين وباقي الموية حطيها على الشعر نفسه ولفي شعركِ وخليه عادي يجف من نفسه ونامي وفي الصباح غسلي شعرك بمويه فقط وكرري العمليه كل ليله عشان تحصلين على نتائج مرضية
وعلى فكرة العشبه مالها رائحه نهائياً

ملاحضة : إذا بتحطين العشبة على شعرك البسي قميص او بيجامه لونها غامق عشان ماتخرب عليك اللبسه إذا كانت فاتحه لآني اول مرة حطيتها بشعري كنت لابسه بجامه ابيض وموف فاتح وتوها جديده وصار فيها بقع ماراحت مع الغسل .

ودي لكم .................