حبيباتي مرت علي معاناة نزيف ثلاث أشهر من ولادتي في بداية شهر 1 هجري الين اليوم
وعطوني حبوب كم نوع وسوو لي تنظيف قالو باقي مشيمة لكن ماقف النزف
وقعدت ابحث في النت اخيرا لقيت موضوع عن عشبة ماتوجد بالعالم كله الا في اليمن في جزيرة سقطرى
اسمها عشبة ( دم الأخوين) وتسمى بعد دم الغزال >>> بس ماهو دم الغزال الي يستخدم في الخلطات للبشرة
وسبب تسمية العشبة بدم الاخوين نسبة لقابيل وهابيل يقال بأنها نبتت بعد موتهم
وهذي صورة الشجرة سبحان الله شكلها عجيب ومنظرها جميل ورائع تبارك الخالق فيما ابدع
وهذي صورة العشبة
لقيتها عندنا في خميس مشيط عند عطار اسمه البريدي أفضل عطار معروف عندنا ونظيفه أعشابه
وطريقتها أنا سويتها أعرف الليمون يوقف بعد الدم فطحنت مقدار ملعقة كبيرة منها واضفت لها عصير نصف ليمونه وملعقتين زبادي وأكلتها وشربت وراها موية البارح أكلتها مع أني توني ماكله أكل من هرفي قبلها مستعجلة زوجي جاي في الصبح من السفر وتوقعت ماتفيد ووالله من الصباح وأنا نظيفة ولا أثر ولا لاي نقطة دم >>> زوجي استانس >>> ثلاث أشهر صعبه
وعلى فكرة العشبة تكرهها الجن ولها تاثير على من عنده سحر أو مس >> تدخل في خلطة إزالة السحر المأكول
نزلت الموضوع لأني قد حسيت بمعاناة مع نزيف الأرحام علشان تاخذون فكرة يمكن تحتاجونها أو تدلون فيها أحد وتراها امنه ولا منها مضار ابد قد بحثت عنها كثير
الا للحامل لا تستخدمها >> وتقدارون تشوفون عنها كثير في قوقل لان فيه لها فوائد بايقاف أي نزف أخر في أي مكان وأي جرح ولها فائدة للثة الضعيفة والتي تزف ولها فوائد للأسنان وتبييضها
حبيت اقولكم تجربتي أتمنى تفيدكم
ولكم مني ألف ألف تحية