مخاويه جروحها .. الله يعظم لك الاجر ويجمعك مع امك في جنات النعيم
اصبري واحتسبي وقولي انا لله وانا اليه راجعوان اللهم اجرني في مصيبتي واخلف لي خيرا منها
كل اللي يصير لنا في هالدنيا مقدر ومكتوب
والدنيا مصيرها الزوال والفناء
ماراح ندوم
بيفرقنا الموت عاجلا ام اجلا
لاتقولين ياليت .. مع اني احس بنارك لكن قولي الحمدلله وخليك قويه بربك
ماشاءالله عمرك 19 يعني عروسه كلها سنه والا اكثر وانت ببيت زوجك باذن الله وبيعوضك ربي ان شاءالله
حاولي تتقربين من ابوك .. تكلمينه تحسسينه انك محتاجه له
اكبر غلط هو الصمت والسكوت ماضيعنا الا السكوت
حنا كنا صغار ونخاف من زوجات ابونا ونسكت
لكن انت كبيره تكلمي
ضمي ابوك
حبيه
اشكي له
ولاتنسين قراءة القران والصحبه الصالحه والسعاده كل السعاه هي برضى رب العالمين
ليتكم تحسون بالنار والحرقه اللي بصدر اللي ذابحتني
بنات انا امي توفت وحنا مسافرين الخارج
بنات تخيلو كنا مسافرين بالعطله
وقعدنا اسبوع هناك بعدها توفت امي
تخيلو يابنات تكونين نايمه ويدخل عليك ابوك بالغرفه
ياقولي قومي امك ماتت
وش شعوركم راح يكون لحظتها
ماراح تصدقون بتكرهين ابوك هذيك اللححظه
انا كل هذه صار لي وحنا مسافرين
بعد ماقالي ابوي هالكلام رحت اركض غرفة امي
وامي نايمه على السرير اناديها يمه يمه
ماترد علي اضمها واصرخ يمه قومي
بس محد يرد ماتجاوبني
يمسكني ابوي يقولي قومي لاتسوين كذا..امك ماتت
التفت عل ابوي واصرخ بوجه
اقوله انت اللي ذبحتها
اخواني من حولي كلهم يبكون
واخوي الصغير يقوله قومي يايمه لا تخلينا
تجي اختي الصغيره..تقولها..
يمه قومي اذا انتي تحبينا قوومي
مانبي نرجع ديرتنا السعوديه لحالنا
يايمه قومي لاتخلينا
ااااااااااااااه ليتكم تحسون بالقهر والحرقه اللي مريت فيها
عشت حياتي لحظتها زفت عشت بخوف والم
بلغ ابوي جدي ابو امي وقال خلاص ادفنوها بالمكان اللي انتو فيه
يعني امي ماندفنت عندنا ندفنت بالخارج
هذه بحاله قهر..
رجعنا ديرتنا...وبعد 9 شهور تزوج ابوي
وعشت حياة جحيم ونار تسعر بجوفي
الحين ابوي صار له سنه و5 شهور متزوج
ماتتخيلون الحاله اللي حنا فيه
كل واحد من اخواني في مكان...
وابوي على مع زوجته ومايدري عنه..
حنا اكلنا او شربنا حيين او ميتين
فرحانين او زعلانين...
بحياته ماجا سئلني انتي محتاجه شي انتي او حسسني بقربه وحنانه
عقب ماكنت انا بنته الحبيبه الاولى
اللي مايرفض لها طلب
صرت ولاشي
زوجته عايشه معنا في البيت بس منشوفها
شغل البيت كله علي ماتسوي شي ابد
غير انها تطبخ لاابوي لاجا من العمل بس
تحملت كل هالمسؤوليه وانا عمري 19 او 20 سنه تقريبا
يعني ماعشت سني مثل غيري
زوجة الابو عقرب رمل ماتتخيلون العذاب اللي انا فيه
ااااااه لو تشوفون دموعي الحين ماتتوقعونها
اكتب لكم وكلي جروح وهموم
ياليت امي حيه مكان صا هذه حالنا
ياليت امي كانت موجوده الحين
محتاجه لها كثير ابي اصيح على صدرها
ابي اضمها بحضني
ماتت امي وانا لسه ماشبعت منها
لسه ماخذت حنانه الكامل
بنات تكفون ادعولي بالصبر والفرج والسعادة
وان ربي يحفظ اخواني ويهديهم
وابوي يحس فينا