سلام على حبيباتي بنات حوا بس الحبوبات اما نفسيات الغضبانات اوب حبيباتي :icon29:
اليوم جالسه ارتب غرفتي اولادي عندي اثنين الله يحفظهم ويصلحهم المهم ومدهنه شعورهم وازعجوني بلعبهم وصراخهم وكان تعبهم متعه لي والصغير قال ماما انا سويت كخه تكرمون المهم عبيت المغطس ونضفت الصغير وخليتهم يلعبون وجالسه اراقبهم فحسيت بنغزه والم يعتصر قلبي هل يبي يجي يوم ويكبرون عيالي الي تعبت معهم من ملبس لماكل للتدريس حنى الاستفراغ تكرمون يستفرغون بملابسنا يالامهات واذا كبرو ابي ادور لهم بنات الحلال بس يوم شفت ردود بعض الزوجات وحقدهم على امهات ارجالهم و بانهن عجايز حسودات ويشغلن الولد عن بيته والي تشتكي انه كل مغرب يتقهوا عند امه والي تذمر ان زوجه الوحيد من اخوانه يحب امه حسيت اذا كبرت بكون وحيده خصوصا من شاف وجهي قالي انت ماراح جبيت بنت شكل ذريك عيال :arb: والحمدالله على كل حال بس حسيت البنت صارت ابر واحن من الولد لان بعض الاولاد يضيع مع كيد وتلاعب الحريم وتصير الام الي تفديه بروحه صارت اشد اعداءه تصدقون جتني الصيحه انا اتعب بعيالي ورجليني انهدو من ملاحقهم وايديني تقطعت من غسل ملابسهم وطبخ لهم صحتي راحت من الحمل والوالده كانت الموت البطئ للام واذا سمعت صوت طفله وصياحه راح الالم وراح التعب
هل معقول يبي يجي يوم وصير لي حدودي مع عيالي ولازم احسب للكلمه اذا بغيت شي او نقدت عليه بشي او شفته لابس ويبي يطلع وسئلته وين رايح راح يزعلن حريمهم ويعتبرونن عجوز ملقوفه وحقوده ومابي السعاده لعيالي هل اذا مرضت ودقيت على ولدي وطلبت يودين لازم اشوف زوجته هل عنده مشوار او جلسه رومنسيه علشان ماتزعل :bkh: اه تهي تهو تها يابنات عشت الخيال المؤلم وعيالي مازالو يلعبون بالمغطس عاد رشني ولدي الصغير بالماء فصحيت على واقعي وطلعتهم ولبستهم وضميتهم ودعيت ربي يذوقني برهم ويرزقهم بنات الحلال الي يخافن الله
عاد اذا ماعجبتكم خرابيطي ادعو ان يسخر لي زوجي ويصلح عيالي ويحفظ احبابي :icon30:
روج شفاف @rog_shfaf
عضوة فعالة
يلزم عليك تسجيل الدخول أولًا لكتابة تعليق.
ام زعفور
•
كما تدين تدان
عارفة سبحان الله والله الدمعه نزلت من عيوني من كلامك كان عندي نفس الشعور من فترة الله يارب يحفظهم ويخليهم ويبارك لك فيهم ويرزقك برهم ويسخر لك زوجك يارب
ياحبيبتي اذا انتي واثقه بنفسك انك بتكونين خاله وام لزوجات عيالك لا تحاتين ودرسي عيالك قبل تخطبي لهم عن كل شي واذا تبي تفكين حالك سوي زي جارتنا تخيلي تعاشر البنت الي تبيها لولدها فتره او تخلي بناتها يتقربون لها واذا تطمنت خطبتها حتي مره وحده جلست معهم 4 سنين صاحبت بنتها ولما حسو البنت فعلا طيوبه خطبوها لولدهم ولا تحاتين بكره يكبرون وتزوجيهم وتفتكين من همهم
الصفحة الأخيرة