رجــيتــكـ..~] :

صرت بالشهر السابع .. جاني تلفون من اعز صديقة للعايله .. قالت ترى ابوك توفى امس ودفنوه اليوم العصر ..! زوجي كان مسافر ولا كان علمني ..آآآآآآآه .. ابوي يموت ولا حتى اكفنه واغسله .. ابي اودعك يايبه . ليش حرمتوني من وداعه .. ابي بس ابوس ايدينه ورجوله ابي منه السماح ان كان اخطيت عليه .. ابي بس ابوسه آآآآه بس وينك يايبه وينك .. حرموني منك الله يسامحهم واللي قهرني دفنوه من غير ماادري . جلست ابكي بجنووووون وصديقتي تقول انا كنت عارفه انهم ماقالو لك بس والله لهيت وماعرفت اعلمك البارحه .. طيب وينك ياعمي ووينك يازوجة عمي ,, ليش ماقلتو لي عن موت ابوي ليييييييش .. ابي اشم ريحتك .. تذكر ياابوي يوم اني كنت ااكلك بيديني ؟؟ تذكر يوم كنت اكلمك وتحرك لي اصبعك .. << احس انه يسمعني ومتجاوب معي ,, آه .. محد يفهمني غيرك يايبه .. ليتني ادل قبرك كان رحت لك يابه آآآه منكم وربي يسامحكم رحت العزا وانا ابكي واسلم على امي تصدني .. تخيلوووووووووووو تقولي مات ابوك من اهمالك .. من رحتي عنه ماعاد احد يهتم به .. طيب يايمه انتي اللي منعتيني حتى من الزياره .. وش هالقلوب اللي تمتلكونها .. وش هالتناقض اللي عندكم . اه بس .. طبعا جلست بالعزا كأني ضيفة .. اختي الكبيره كانت حامل بشهرها الاول .. وانا لي سبعة اشهر .. قلت لامي بنام عندكم الليله .. وام زوجي قالت تكفين لاتخلين اميمتس لحالها .. هي محتاجتس الحين .. جلست عندهم كالغريبه ..كنت حامل تعبانه من ظهري .. انسدح على الارض .. حتى سريري ماأدري وين راح ..! دخلت غرف ابوي .. آآه .. شميت ريحته .. فتحت دولابه اخذت ملابسه وحضنتها وجلست اكلم نفسي اناديه .. لقيت سريره على ماهو .. انسدحت عليه وبكيت الين نمت .. ماوعيت الا الصبح على صوت امي تهاوش .. تقول اصلا حنا بنقفل غرفته انتي وش دخلك فيها ؟. قلت لها خليني انام فيها تكفين يمه ع الاقل لجيت عندكم انام فيها .. قالت مستحيل .. اغراضه بنتبرع بها وطلعت عني وهي زمرانه علي .. رحت اخت ثوبين له احتفظت بهم .. وكلمت عمتي ام زوجي قلت ها ارسلي لي السواق ابي ارجع للبيت جا السواق مع الشغاله واخذوني ورجعت لبيتي .. بعدها بكم يوم رجع زوجي وشاف حالتي حاااااااله من اليأس والتعب والالم .. اصر ياخني للمستشفى .. عييت انا وقت مافيني غير قل نوم مارضى وقالي لازم اوديك .. وداني المستشفى وفعلا نوموني عندهم وحطولي المغذي قعدت يومين وطلعت .. دخلت الشهر الثامن وبعده التاسع .. وانا وزوجي ننتظر مولودنا .. لأ مو بس انا وزوجي ..حتى ام زوجي تنتظر اول حفيد لها خواته يبون يصيرون عمات .. اخوانه يبون يصيرون اعمام .. زوجي يبي يصير اب .. طول هالفتره انا اكم امي تليفون كانت تكلمني بس من دون نفس .. رحت لها من بعد عزا ابوي 4 مرات . استقبالها لي مو شي ابد ؟؟ صرت بس اتصل عليها .. مافيني حيل اتحمل كلام يغث وتصرفات تغثني وانا بحالتي هذى حامل وقلق .. جا الصباح .. كنت نايمه وقمت على صوت التلفون .. رديت الا هو مدير زوجي قالي وين فلان ..؟ ليه ماجا للدوام ؟؟ قلت انا هو طالع من زمان ..! قال لا ماجا للحين .. قمت وقفت ابروح اشوفه يمكن انه جالس يفطر او شي .. الا نزلت علي موياااات . عرفت انها علامات ولادة بس ماادري وش هي بالضبط ..! ورحت امش وانا شلال تحتي .. شفته يتروش وقلت له مديرك اتصل ورجعت مره ثانيه لغرفتي .. ولا قلت له وش صار معي .. هو لبس وطلع بسرعه .. انا على طول دقيت على ام زوجي قلت لها نزلت معي مويه .. قالت لاتتحركين .. بجيك انا والسواق نوديك للمستشفى ماقصرت نص ساعه وهي عندي وودتني المستشفى وقت لها لاتعلمين زوجي تكفين الا لمن اولد .. عارفته يقلق بسرعه وحساس .. المهم المستشفى رفضو يدخلوني .. يبون بطاقة العايله واثبات لزوجي وووو تعرفون اجراءات المستشفى .. امه دقت عليه .. وقالت له اني ابولد وحنا بالمستشفى وضروري يجي عشان الاوراق والتوقيع وووو ... ننتظر وانا مافيني ولا الم .. بس مويات تنزل معي .. انتظرنا نص ساعه - ساعه - ساعه ونص .. زوجي تأخر ..! وش السالفه ؟؟ البيت قريب والمستشفى قريب .. وشغله قريب .. ليش هالتاخير ذا كله ..

صرت بالشهر السابع .. جاني تلفون من اعز صديقة للعايله .. قالت ترى ابوك توفى امس ودفنوه اليوم العصر...

ميكاشو :

انتي مؤمنه اختي والدنيا لازم لها صبر والله يخليك لبنتك وتشوفيها عروس والله يفرج همك

انتي مؤمنه اختي والدنيا لازم لها صبر والله يخليك لبنتك وتشوفيها عروس والله يفرج همك