والله لبنان أو تركيا جو صحي وأكل نضيف أما مصر الأكل عدم لأن مستوي النظافه تحت الصفر

اذا الحجز بدري ولحقتي التذاكر المخفظه واخترتي فنادق رخيصه تكفي ونص
بس مو اوروبا
ممكن مصر ماليزيا تركيا دبي لبنان
او المكاتب يعملوا عروووض جداا ممتازه احيانا
ممكن التذاكر لشخصين 3000 اذا المخفظه وفنادق ممكن 2000 والباقي مصاريف اذا حابه اني اساعدك بالحجوزات راسليني عالخاص
بالتوفيق حبيبتي

لا ما تكفي

عشر الاف ماتكفي لاوروبا ,,اما انك تصبرين وتجمعين فلوسك وتحطين فوق العشره سبع او ثمان الاف يمكن تكفي اسبووع
او انك تروحين لدوله ثانيه ارشح لك الامارات مرره حلوه وقريبه ,, والله يسهل عليكم
دعواتي,,

ياقلبي انا بقولك تكفي باذن الله بناء على تخطيطي لك
شوفي انا اخطط رحلات لاوربا
بعطيك مثالين
الاول خططت له رحله كانت مدتها 11 يوم طلب مني تكون الى المانيا وسويسرا (( سويسرا طبعا شوي غاليه ))حدد لي المبلغ اللي هو 13 الف وعلمني بكل شي ووش يبي ووش اهتمامه الحمدلله وفقت في التخطط له طبيعه ومدن مثل جنيف وميونخ ومدينة العاب والحمدلله انبسط وشكرني على التخطيط لرحلته بالمبلغ اللي هو محدده
الشخص الثاني
رحلته كانت 12 يوم وكان الى المانيا وسويسرا تقريبا نفس المدن اللي طلبها الشخص الاول وكلفت عليه الرحله 30 الف لانه طلب الفنادق تكون خمس نجوم وفخمه عكس الاول طلب مني فنادق اهم شي نظيفه ماهمه فخامة الفندق يعني
بقولك السفر مو مظاهر وكم صرفت وين رحت السفر متعه للنفس وثقافه يعني يقدر الواحد يروح باللي قدر عليه وينبسط
نجي للمهم
قلتي المبلغ 10 الاف ان شاء الله اقدر اجيبها لها لمدة سبع ايام بس اهم شي عندي انك تاكدين لي الرحله
شوفي مبدئا التذاكر نقول على الخطوط المصريه الشخص ب1800 سواء فينا في النمسا او ميونخ في المانيا
السكن 3 الاف ريال 5 ايام في زيلامسي ويومين في فينا
التنقلات والمصاريف الشخصيه 3400 ريال
الوقت ماراح يكون بالصيف اما يكون شهر 5 ميلادي ويكون الجو شوي بارد بس الارض كلها خضراء مع بوردة في الجو او يكون الرحله بعد رمضان ويكون الجووو حلووو
هذا مخططي لك والله يوفقك ويسعدك