عشر سنوات ماحملت ادخلو وشوفو القصة

السلام عليكم


انا لي اكثر من 10 سنوات متزوجة وللحين ماحصل حمل والحمدلله على كل حال
كان عندي تكيس في المبايض وجلست اخذ منشطات لفتره طويله والتبويض يصير تمام بس مايصير حمل
وفحص السائل المنوي لزوجي : العدد كان كويس بس المشكله في الحركة ودكتورتي ماكانت تنتبه لهالشي واستمريت على المنشطات وزاد وزني وبدا الشعر يكثر في جسمي مع ان كل هرموناتي سليمة
وبين فتره وفتره كان زوجي يسوي تحليل ويقل عنده العدد وتقل الحركة اكثر والدكتوره ماكانت تدقق ع تحليله
كانت مركزه علي انا الين طفشت وخليت العلاج يمكن من 5 سنوات
وقبل فتره رحت لممرخه ومرختني وسوت لي كاسات الهوا وصار التبويض 18 وكمان ماصار حمل
وفي رمضان السنة اللي فاتت زوجي كان يشتكي من الم في الخصية وراح لدكتور مسالك تناسليه وكان الدكتور مو كويس وماسوى له فحص اكلينكي وهذا اكبر غلط
وكان يعطيه ادوية بسعر غالي جدا وماكانت تفيد والعدد والحركه تقل اكثر واكثر
حتى مع استخدام العسل وحبة البركة ولقاح النخل وووو
وكنت شاكة انه عندة مرض ثاني وكل ماقال لدكتوره قال له لا والالم في الخصية دليل على انها تشتغل تمام وبعدها اتفاجأ بنتيجة التحليل كل شي قرب للصفر
خليته يغير الدكتور ورحنا لدكتور ماشاء الله عليه فاهم وسوى له فحص اكلينكي ومن اول ماشاف الخصية قاله انت عندك دوالي ع الجهتين من الدرجة الثالثة ومتراكمة من سنوات طويله بس كيف ماحسيت فيها ( ماحس بالالم الا من رمضان اللي فات )
وخلاه يسوي فحص للسائل المنوي وطلعت الحركة صفر واجسام مشوهة كثيره فقاله يمكن حتى بعد العملية مايصير تحسن في الحركة لانك تأخرت كثيييييييير بس زوجي اصر يسوي العملية عشان الالم
والحمدلله سواها من فترة بسيطة
وبعد 3 شهور بيسوي فحص اذا باقي الحركة صفر فراح نسوي حقن مجهري لانه هو اللي بيصلح لحالته
والحمدلله ع كل حال

انا لمن عرفت بالدوالي وانها ممكن هي السبب في تاخر الحمل جلست ابكي وماني مصدقة مو اعتراض على حكم الله ولكن على السنين اللي راحت وانا اخذ ادوية والمشاكل اللي صارت في جسمي من المنشطات والدكتورات اللي كنت اروح لهم مركزين علي انا والمهم عندهم في تحليل الزوج العدد فوق 20 مليون والحركه لو انها 5 وهذا اكبر غلط ماانتبهو للحركة ووحدة منهم عطته حبوب وماعاد تابعته بعدها

قبل علاج زوجي جلست فتره ااحلم اني احمل ويجيني ولد بس احس انه في شيء مانع الحمل وربي قادر على كل شيء
سبحان الله من بدأ زوجي العلاج ماعاد شفت الحلم كانه هذا السبب

فنصيحتي لكل متأخرة عن الحمل ماعندها مشكله او مشكله بسيطة وتسخدم ادوية وماصار حمل او في تحليل زوجها مشكله
تخلي زوجها يروح لدكتور تناسلية ويسوي فحص للسائل المنوي وفحص اكلينكي للخصية


يمكن الله للحين ماكتب لي الحمل وماخره لشيء هو يعلمه وانا راضية بحكمته واحنا نعمل بالاسباب
وان شاء الله يتحسن زوجي واحمل حمل سليم
دعواتكم لي