عشر سنوات من القهر 00مشكلتي كارثه لا حل لها 00

اخواتي في الله 00
هذه مشكلتي مع احدى النساء حسبي الله عليها ونعم الوكيل00
هذه المراه تكون زوجة اخو زوجي يعني بالعربي سلفتي 00ومن يوم تزوجت زوجي وهي تعاملني اسوأ معامله 00
في كل تصرف تتصرفه تجاهي تعبير عن كراهيه وحقد اقسم لكم لا اعرف سببه 00هي بصراحه تغار بشده 00احيانا افسرها غيره لكن معقوله مع مرور الزمن الغيره ما خفت00
عمر وانا واياها في عماره وحده الشقه قبالة الشقه00لكنها اسوا من اي جاره ممكن الانسان يجاورها00
ما تتردد عن اي اذيه تسويها زمان كانت تشوه سمعتي عند الناس 00وحتى لمن اكون جالسه كانت تقول للناس كلام عني ما ادري ايش اصله00وكنت صغيره وما اعرف ارد عليها وهي بالعلم اكبر مني بعشر سنوات او اكثر 00توالت السنين وزادت في معاملتها حتى صار يجيني انهيار نفسي بسببها وكنت ابكي واصرخ واكسر في البيت 00لكن في يوم واجهتها باشيا تكلمتها عني خافت وبكيت وقالت ان اللي قالت لي كذابه لكن المشكله كانت اكبر والموضوع دخلو فيه الرجال فسبب قطيعه بيننا مده تقارب سنتين وهي اللي قطعت00ورجعت ازورها اذا مرضو اولادها واكلمها لكن بحذر شديد لانها بصراحه متربصه لاي كلمه اقولها عشان تسوي منها قصه 00
ولا احكي لكم عن نذالتها 00اسوي معاها الخير ترد بشر يعني مثلا مره اخذناها انا وزوجي مشوار عزا لاحد اقاربنا وانا اللي ناديتها تروح معايا تصوروا اليوم التاني راحت مع الحريم شله وانا ما كلمتني ولمن سألو عني قالت دقيت الباب ما ردت00
وفيه مره العيله رايحين طلعه حريم للحديقه وكلفوها تكلمني تصورو ما كلمتني وراحت ولمن سالوها قالت ماردت علي دقيت الباب وما فتحت00 وكانت تحط الله يكرمكم القمامه قدام بابي
لمن يجي زوجي رايح الدوام يشيلها ويزحفها 00ومره ارسلت لها اشيا فكرتها حقتها قامت رمتها عند الباب برضو طلع زوجي وشاف الاشيا مرميه وسالني من حط الاشيا دي هنا ما عرفت ارد00
المشكله مره زوجي كلم زوجها على حاجه سوتها راح زوجها حاسها حوس وصار مشكله كبيره في بيته رجعنا بطلنا نكلمه00
ومره اهديت بنتها هديه عباره عن لعبه اليوم التاني كلمتني تقول ان بنتها رمت اللعبه اللي جبتها وما حبتها00وزمان كانت تحرض ام زوجي علي حتى والله انها مره اللي ام زوجي خاصمت ولدها وسبته وصارخت عليه بسبب كدبها 00كنا اي شي نسويه تروح تقولها عملو وعملو بس بطريقه بحيث يبان الامر كانه ضدها 00
وانا من زمان عقدت على نفسي اني ما احتك فيها ولا ازورها لاني بصراحه احس باهانه لمن ازورها تصور تصب القوه متلا للناس وانا لا تسوي نفسها ناسيتني ومره في مجلس مليان حريم وقفت اشيل ولدي جات جلست مكاني ولمن رجعت وشفتها جالسه سوت نفسها ولا كانها هنا00
يعني حركاتها من دا النوع كذا وكذا من تحت لتحت00عمرها ما واجهتني بشي او تكلمت في وجهي بس من ورا كداوكدا 00وتموت قهر لمن تعرف اني وزوجي اشترينا شي للبيت او سافرنا او سمعت ان زوجي جاب لي هديه 00تخلي