عشق القطط ابتلينا فيها

السلام عليكم
اخواتي بنتي بعمر ١٢ سنه عشقها القطط
انا حامل بالسابع ومستحيل ادخل قطوة بيتي بسبب امراض القطط من جرثومة القطط وهالاشياء وزياده عندي فوبيا منهم
صارت من عشقها القطط تروح البنت عمتها مربية قطوة وتجلس تلعب معاها وانا ساكته ومسلكة مابي انكد عليها
صارت كل عشر ايام تروح بنت عمتها تلعب مع قطوتها وتطلع اللي بخاطرها وترجع رغم تخوفي من الحساسية وجرثومة القطط وخصوصا اني حامل لكن امنا بالله وقلت ماراح انكد عليها
جتني قالت ياماما بطني وظهري كله بقع حمراء دائرية شفتها كأنها حساسيه خصوصا القطوه تمخشها وتلعق يدها واللعاب
الحين انا حامل هل تأثر هذي علي انا،، سمعت جرثومة القطط تقتل الجنين والله الله العظيم هبلت فيني بيتي الله يصلحها في حبها الذا الحيوانات جبتلها طيور وسلحفات وببغاء لكن الا تبي قطوه الدرجة قطط الشارع تحاول تلمسها ، اقولها ياماما غلط ترى خطر تسبب امراض ممكن تقتل البيبي اللي بطني تقولي انا اللي المسها مو انتي وماتاخذها بشكل جدي تحسبني اصرفها وابيها تخاف والله تعبت معاها الله يصلحها
وسؤالي الاخير جرثومة القطط اذا في بنتي تعديني ولاغير معديه ؟؟ والله يتمم واولد بالسلامة واجيبلها درزن قطط ً