عشنا .. وشفنا

السلام عليكم ورحمة الله وبركاته ،،

بنات أشرا يكم بالصديقة اللي تضحكلك وتسولف معاك عن كل شئ ببيتها ووالمواقف اللي تصير
معاها صغيرة وكبيرة << لدرجة تشعرك بأنك تعرفين حياتها بأدق التفاصيل .

لكنها ما تخبرك عن صديقاتها وسوالفها عنهم ، الا بالغلط والصدف اللي تفضحها عندك مع أنك تكونين تعرفينهم أيضاً .
خلوني أوضح لكم بمثال (( أنا أكون عارفة أنه اليوم الفلاني فلانة من صديقاتنا بتطرش لها شي أو بتهاديها تتصل علي هالصديقة وتسولف عن كل شي ، انها تجيب سيرة فلانه وهديتها لا بالمرة ))
أنا بالبداية كنت أقول يمكن البنت ناسيه أو ما تقصد شئ ، بس أطلعت تتعمد ما تخبرني ليش؟؟ ما أدري
مع أني والحمد لله لا حاسدة ولا حاقدة ومحبوية أكثر منها .
وعلى فكرة أنا مرة بالصدفة خبرتها عن موقف أحدى صديقاتنا التي أستشارتني أنا أولا ثم هي ثانياً
وأنا كنت أعرف أنها هي الثانية فقلت لها أش نصحتيها ؟؟ ما ردت علي بغير فلانه اسألتك قبلي !! ما عليه!!! وأن بصراحة ظنيتها تمزح :hahaha: ، بس طلع العكس هي الحسودة ، وتبي تكون بالمرتبة الاول في كل شي .
غير البنات اللي يسألون عني عندها ، وبغت يوم تموت علي لما ظنت أن صديقتي اللي بالجامعة واللي أحضرتي هي عرسها وأنا لا ، قد رجعت علاقتي معها قويه مثل ما كانت بالسابق.
والمشكلة أنها محسوبة علي صديقة مقربة أكثر من غيرها ، وهو اللى مبين جدام الناس ، وبالشغل ما يطرون اسمها الا ويربطونه بأسمي وأكره هالشئ جدا .( ودي أقولهم لا تذكرونه أنا ما لي خص فيها )
وأمسكها في نفسى وأكتمها .
خلاص أنا مليت بصراحة وأحاولت حالياً التخلص منها تدريجياً ، وأخفف أتصالاتي معاها وخلي اللي في القلب
بالقلب .
والحمد لله كما ينبغي لجلال وجهة وعظيم سلطانه .