السلام عليكم ورحمة الله وبركاته
اليوم جايبه لكم طبق مارح تصدقون لذذذذته لما تجربوه وهو شي مختلف تماما عن العاده ,,,مابطول عليكم
طبعا كلنا نعرف التميس ((خبز الفول)) وطبعا بعد مانتركه يومين ييبس وماحد يقدر يآكله وياحرام مصيره ..... أكرمكم الله:44:
اليوم جايبه لكم طبخه بالتميس تهبلللل والله لذيذه ومن جد بتقولون للمكرونه بااااي لإنها تقريبا نفس الفكره:cook:
أولا: تجيبين حافظه حق الأكل وتقطعين فيها التميس قطع صغيره عادي أي حجم وخليه على جنب..
ثانيا: سوي كشنه نففففس كشنة المكرونه بس الإختلاف كثثثثثثثري مويه خليها كثير لأن الخبز يشرب المويه وعاد تفنني في كشنتها أنا أحط بصله وأحمسها مع زيت وأحط قطع طماطم وشوية صلصه وأحمسها بعدين التونه ((طبعا ألذ شي بالتونه وإلي مايحبها أو يتحسس منها ممكن دجاج أو لحمه مفرومه)) وبعدين مكعب ماجي وشويه ملح وبهارات وفلفل أسود زي ماتحبين طبعا شوفي ملحها كويس ولا لاء لأنك بتكثرين مويه وحطي المويه وخليها تغلي 10 دقايق وصبيها على التميس وقفلي الحافظه شويه عشان تشرب المويه وقدميها مع ليمون وشطه وسلطه....:p:pآآآآآآآآآآآآه إدماااااااان والله من يوم تعلمتها وأنا كل يوم أقول جيبولنا فول وتميس عشان أسويه المكرونه معد لمستها في الدرج لها شهرين يالله جربوها وقولولي رايكم فيها وبعدين عشاء حلو ومختلف وبالعاااااااافيه على قلوبكم.....
إلي تعجبها وإلي ماتعجبها تدعيلي ربي يحفظ أولادي ويشفي ولدي ويفرح قلبي فيه يتكلم وينطق ويفهم زي الأطفال الثانيين :44:
أبتسامة فجر @abtsam_fgr_3
عضوة فعالة
يلزم عليك تسجيل الدخول أولًا لكتابة تعليق.
والله شكلها غريييب بس ياليت لو نزلتي الصور عشان اتحمس واصلحها
والله يشفي وليدك شفاء لا يغادر سقمآ ويخليلك عيالك
والله يشفي وليدك شفاء لا يغادر سقمآ ويخليلك عيالك
الصفحة الأخيرة
ربي يحفظ أولادك ويشفي ولدك ويفرح قلبك فيه يتكلم وينطق ويفهم زي الأطفال الثانيين