ماشاء الله تبارك الله
اطباق شهيه يعطيك العافيه
الصفحة الأخيرة
تخلي الواحد يزيد من العطاء
بالنسبه لطريقه الشيش طاووق
اقطع دجاج مكعبات وفلفل بارد الوان
واذا بغيتي اكتفي بالاخضر وبصل صغار اقطعها من النص
وثوم بقشره وفلفل حار قرون وطماطم اقطعها مربعات
واتبلها كلها مع بعض علشان تتطلع كلها بنفس الطعم
التتبيله
اجيب فرامه البصل انا عندي اليدويه واحط فيها
بصله وفص ثوم كامل اقشره كله واحطه في الفرامه مع
عصير ليمون وكزبره وملعقه زبادي وزيت زيتون كثري شوي و
ملح وفلفل اسود وكركم وبهار النوع الي تستخدمين وفلفل بارد مقطع
وشويه على قد راس الاصبع معجون طماطم لا تكثرين علشان ما تحترق
وافرمها واحط التتبيله على الدجاج والخضار
واخليها تتبل لمده ثلاث ساعات وممكن تسوينها من الليل وتخلينها في الثلاجه الى اليوم الثاني تتبل
وبعدين تكونين منقعه الاسياخ في مويه حقت الشوي الخشب وتبدين تشكين الدجاج والخضار في السيخ
بالترتيب الي تبين وحطيها في صينيه وغطيها بقصدير وبعدين اذا نزلت مويتها فكي القصدير
وحمريها واذا تبين ريحه الشوي بخريها بجمره ولعيها وخذي فنجان قهوه حطي فيه زيت بعدين حطي الجمره فيه وغطي الاسياخ
بالقصدير شوي علشان تتنكه بالريحه حقت التبخير
وبالعافيه على قلوبكم
الشرح طويل بس
سهل مرره