عشيقة زوجي ارقامها وصورها عندي

السلام عليكم بنات...
انا عروس جديدة ياحسرتي متزوجة من ست شهور..زوجي طيب حنون ويعاملني بكل احترام ومايقصر علي بشي اول زواجي طلب نسمي اول بنت باسم محدد ووافقت واول ولد باسم محدد ووافقت بحسن نية..لكن بعد فترة احيانا يجي متضاايق وضايق صدره وينافخ علي وماله خلق لي..كانثى رحت فتشت جواله لقيت مرسل لبنت يطلب صورتها اسمها نفس الاسم اللي طلب اسمي اول بنت لنا عليها..واكتشفت بعد التدقيق انه يحبها ويمووت فيها حب اعمى..وكانو على علاقة قبل الزواج..واول ماعرفت واجهته وانكر وقلب الطاولة علي قال باي حق تشوفين جوالي قلت انا زوجتك من حقي اشوف ليش متغير علي المهم انكر..مرة ثانية شفته يكلمها ولما سالته كذب علي بانه يكلم اخوه..وبنفس اليوم شفت رسائل منه لها.. تطاقيت معاه طقاق قوي طردني من بيتي وكسر قلبي وباخر لحظة هون وتراجع خوفته بعلم اهلي وجاني يستسمح ويوعدني انه بيتركها..اول الامر انصدمت وكرهته لكن بعد فترة فكرت ليش اخرب بيتي عشان علاقة قبل الزواج وعشان وحدة داشرة مافيها خير قلت بصبر واسكت خاصة انه مايقصر معي بشي ماعدا ان قلبة مو معي معي جسدة لكن قلبه معاها واه يالقهر..سبحان الله طاح بيدي جواله القديم مع شريحة ثانية غير جواله ..فتحته شفت صورها وهي عارية..شفت صور لجزء من وجهها وليس كله صور لخالها وعيال اختها..لقيت رقم بيتها ورقم جوال امها...نار بقلبي مشتعلة ودي انتقم لكن اخاف تعلمة ويجي يقلبها علي ويطلقني..عطوني حل بحيث انه يكرهها وهي تكرهه ونا برا الموضوع..فكرت اني ارسل لامها من شريحته هو وقول ان بنتك رقمها وصورها منتشر عند الشباب انتبهي لها عشان تشب بينهم..لكن اخاف يدري اني انا اللي مرسله لامها من شريحته..وش الحل؟؟علما ان البنت لعابة وهي ماتدق عليه وجوالها دائما مقفل فهمت انها تحاول تتجنبة..لكن اللي قارهني اني يوميا اشوفة داق على جوالها يعني يوميا يفكر فيها ويشيك على رقمها وشلون انسية حبها وشلون اثبت له انها تلعب وتتسلى بمشاعرة..وحسبي الله ونعم الوكيل كسرو قلبي وحطمو فرحتي ونا توني عروس..