سمايلي فيس :

حبيبتي والله اذا انا انحرق قلبي وانا اقرأ كيف انتي؟؟ ربي يعينك يااااارب ويبرد على قلبك بس شوفي حبيبتي انتي تقولي بأن جوالها مغلق وعلى هذا الأساس حكمتي انها ماتبغاه طبعا هذا ابد مو استنتاج صحيح لأنه ممكن يكونوا متوقعين بأنه بأي لحظة تكشفيهم وتدقين عليها عشان كده هي حاطة خدمة المس كول وهي انه اي حد يدق عليها يطلع لهم مغلق وهو اصلا مفتوح ومادام زوجك هو اللي يتصل عليها اكيد هو اللي بيتصل عليها لأن هو لما بيطلع لها رقمه او بتجيها رسالة انه متصل على طول بتفتح تليفونها وتكلمه عادي وبالمقابل اكيد هي مابتتصل عليه وهي عارفة انه متزوج واكيد هو محرص عليها بهالشي وثانيا انتي تقولين انها ماتبيه وهو يدور وراها ان كانت ماتبيه ليه ترسل له صورها وهي عارية ووجها طالع وصور اهلها وعشيرتها؟؟ اول مرة اشوف وحدة ماتبي حد وترسل له صورها عارية حسبي الله عليها ونعم الوكيل خلاص انعدمت الاخلاق والأدب الله ينتقم منها وماتدرين يمكن زوجك صدق يحبك وهي قاعدة تضغط عليه تبغاه يطلقك او يبعد عنك عشان كده تشوفينه دايم زي ماتقولي داخل متضايق ومعصب يمكن لأنه يحبك وبنفس الوقت مايقدر يبعد عنها ولا ليش حضرته يبي يسمي بنته بنفس اسمها حسبي الله عليها.. لا يا اختي انا رأيي انك لازم توقفيها عند حدها مش عشان تستريها تروحي تخربي بيتك تراها بتظل وراه وراه لين لا سمح الله ينفصل عنك ترى هاي الأشكال دواهي الله لا يبلى حد بمثلهن اكيد نحن مع الستر لكن دام انها ماسترت عمرها مش ملزومة انتي تخافين عليها وعلى مشاعرها وصورها طالما هي ماخافت من الله ولا من احد معناها ماتستحق الواحد حتى يعبرها او يلتفت لمشاعرها على الاقل حاولي بطريقة او بأخرى انك توصلين هالموضوع لأمها بس شوفي كيف ممكن توصلين لأمها بدون ماتكوني انتي بالسالفة وخليها توقفها عند حدها وان شفتيها تمادت بلغي عليها الهيئة وخليها تتحمل مايجيها.. حسبي الله عليها وربي أفور من داخلي الله يعينك بس..

حبيبتي والله اذا انا انحرق قلبي وانا اقرأ كيف انتي؟؟ ربي يعينك يااااارب ويبرد على قلبك بس شوفي...