عشيقة زوجي هدمت بيتي ..
السلام عليكم ورحمة الله وبركاته ,,كل عام وانتم بخير ,,انا ذكرت مشكلتي في منتداي الغالي انا اللي يخوني زوجي في بيتي عمري في الاربعين ,ماعندي اطفال وزواج 16 سنه المهم الجديد في موضوعي انه دخل الشهر الفضيل وانا مصره على طلاقي كلمتني جارتي وتقول لي ان زوجي كلم زوجها تكلم زوحتي وتحاول تقنعني انه افكر في الموضوع بهدوء واشيل فكرة الطلاق من راسي واعطيه فرصه يبان فيها صدق توبته بصراحه حسيت اني بديت افكر في الموضوع واتراجع لكن حصل موقف خلاني اتراجع من يومين جاتني رساله على الواتس غيرت مزاجي من رقم غريب وحده شافتني متصله وصارت تكتب اسمي كامل وتقول لي ابعدي عن حبيب قلبي وذكرت اسم زوجي وكتبت كلام كثير من ضمن الكلام ( انتي مايحبك زوجك لو يحبك ماشاف غيرك هو يقول انه بيرجعك علشانك قريبته وعلشان العشره انتي كبيره وماعندك اطفال هو من حقه يتزوج ويختار حبه الجديد بصراحه هو مجبور على العيشه معاك ) انا رديت وقلت لها اشبعي فيه تركته لك ,,وبعدها بيوم صار زوجي يرسل ويترجاني ارجع لكن انا كرهته وبعد العيد ان شاء الله ناويه على طلاقي لكن تبغون الصراحه حسيت كانه خنجر انغرس في قلبي والم جديد اتالمه ,,انا ماغيرت شريحتي اللي يعرفها زوجي بس زوجي يكتفي باارسال رسايل فقط بدون اتصال حسبي الله ونعم الوكيل في بنات الشوارع والساقطات اللي ماعندهم خوف من ربي ,,حياه وعشره طويله انهدمت بسببهم ...
138
30K
يلزم عليك تسجيل الدخول أولًا لكتابة تعليق.
لا حبيبتي لا تطلقين وصدقيني إنو زوجك شاريك أما بالنسبه للي أرسلت لك قولي لها مالي كلام مع الساقطه وما لك دخل بحياتي يحبني ولا يكرهني وإدعي عليها ولا تهمك ولا تعطينها وجه واحتفظي برسالتها ممكن عشان تأخذ حقك منها
الله يهديگ،،وانتي تصدقين كلامها وتحققين مطلبهاا،،ليه تنازلين عن بيتگ وعن حقك لوحده مالها حق فيه،،وهي وش موقعها يوم تقول هالكلام لاهي زوجته ولاهي خطيبته ليه تطلقين اسمعي الكلام من زوجك مو من هذي لاتنازلين عن حقك ومطلبگ..مفروض ارسلتي الرسايل هذي لزوجك وقلتي اثبت لي عكس هالكلام مو ع طول طلاق طلاق الله يهديگ بس والله اني انصحك من قلب اخت لاتنازلين عن حقگ شوفي هي كيف ترسل بعين قويه وهي ولاشيء لازوجه ولاحتى خطيبه وانتي اللي زوجته تنازلين بكل سهوله،،
الصفحة الأخيرة
الله يصلحه لك يارب