عصابات الجنس الناعم

ظاهره بدأت بالإنتشار
أو حتى أكون أكثر دقه
هي ظاهره موجوده ولكن أصبحت ملحوظه بشكل أكبر
راح أحكي لكم كذا موقف صار معي شخصياً ليست معي بل مع صاحب القصه انا نقلته فقط وهو ريال :arb:
ومنها راح تعرفون وش السالفه

( 1 )

مره كنت مودي إختي مركز طبي في شارع صلاح الدين
طبعاً سجلتها ودخلتها داخل في إستراحة النساء وقلت لها أنا برا متى ما إنتهيتي دقي علي وأنا أكمل باقي إجراءاتك من حجز مواعيد وصرف أدويه
المهم خليتها داخل وقلت بخطف رجلي للتموينات اللي بجنب المركز آخذ لي شي بارد وجريده أتسلى فيها حتى أقطع وقت
أخذت لي بيبسي ولوخيتي وأخذت الرياضيه
وأنا راجع لقيت ووحده واقفه في زاوية المركز الطبي وما معها أحد
ولما مريت من جنبها عشان أدخل المركز قالت لي لو سمحت
أنا إلتفت وأنا مو متأكد إذا تناديني أو تنادي واحد غيري
طالعت إلا والله تأشر لي
قلت لها سمي؟
قالت ممكن لو سمحت. وأخذتني بعيد عن الباب
أنا بصراحه شكيت في نفسي
قالت الله يعافيك أنا من المنطقه الفلانيه _ برا الرياض _ جيت أنا وإختي نزور قريبه لنا منومه في المستشفى ولا معنا حق النقل الجماعي
يا ليت تساعدنا الله يجزاك خير
أنا طبعاً سبق ومروا علي مثل هالعينات
ودريت إن الدعوى فيها زرف
قلت لها وين إختك ؟
قالت جوا المركز تسأل عيال الحلال عشان يساعدونا
قلت لها كم يكفيكم؟ <<< ما راح يعطيهم بس لقافه
قاالت يعني 300 ريال
قلت لها ما يخالف بس أنا ما معي الحين كاش ولا فيه جهاز صراف حتى أسحب لكم
قالت لا عادي شف هناك فيه جهاز صراف في الجهه المقابله من الشارع
يخرب بيتها حافظه مكانها
قلت لها لا هذي خاصه لعملاء بنك الرياض وأنا حسابي في الراجحي
قالت عادي تقدر تسحب منها <<< مصممه تزرفني
قلت لا هذاك أول الحين نزل نظام جديد كل واحد ما يقدر يسحب إلا من جهاز الصراف الخاص بالبنك اللي فاتح فيه حساب
شوي إلا جتنا وحده طاقه البرقع والكحل ثلاثه كيلو في عيونها :30:
طبعاً الحرمه اللي واقفه معي طنشتني وسألت أم برقع : هاه وش سويتي؟
قالت أم برقع ما فيه شي
المهم يوم درت إن خويتها ما لقت شي رجعت لي
تقول تكفى يا أخوي دبرنا وترانا مثل خواتك
قلت أنا علمتك ودي أساعدك بس ما هنا جهاز صراف للراجحي
المهم يوم دروا إني كافشهم تركوني ومشوا
دخلت المركز وأنا قاعد أنتظر إختي في إنتظار الرجال كنت اتابع هالحرمتين من واجهة المركز القزاز
ضلوا واقفين يمكن نص ساعه
مره يكلمون بالجوال ومره يتكلمون مع بعض
شوي وقف عندهم فان صغير وركبوا معه
طبعاً أنا كنت عارف إنهم نصابات بس صدمني موقف الفان


( 2 ):eek:
مره كنت مغطي نايت شفت بالمستشفى
إنتهى دوامي على 9 ونص المسا وأنا طالع من البوابه على رجولي لأني كنت موقف سيارتي برا المستشفى
لقيت ثنتين طاقين اللثمه وهالكشخه وواقفين بجنب السور
مريت من جنبهم وأنا منزل عيوني من زود الحيا <<< يا شيييخ
صوتت لي وحده منهم
قلت تناديني؟
قالت إيه أنت
قلت وأنا مرتبك نعم <<< كان المكان اللي واقفين فيه مره مشبوه ...ظلام وفي جهه منعزله تقريباً
المهم قالت حنا خواتك من الإمارات قصرت معنا الدراهم وحنا مضطرين نطلع الأحساء الليله
قلت لهم طيب إدخلوا داخل المستشفى فيه مكتب خدمه إجتماعيه وراح يساعدكم <<< أبي الفكه
قالت أنت مو مصدقنا والله ما نكذب عليك
وتطلع جوازها وتفتحه وتوريني إسمها وصورتها وهي كاشفه <<< وهذا يتصدد ما يبي يشوف وجهها بالجواز
قلت لها والله ما معي
المهم يالله فكيت نفسي
وأنا راكب سيارتي وقاعد أحميها فجأه وقفت عندهم سياره كابرس 2002 وركبوا معه :22:



( 3 )
في إحدى المرات النادره اللي كنت مودي فيها أمي للسوق <<< فيه نفس من الأسواق
طبعاً أنا من النوع اللي إذا دخلت أمي المحل ولقيته زحمه من الحريم ما أدخل
أوقف برا حتى تطلع أمي
المهم قدام أحد المحلات أنتظر أمي كالعاده
ما دريت إلا وحده اللي يشوفها يقول الليله زواجها من زود الكشخه والعطورات ومعها بنت صغيره
جتني وقالت أنت صاحب المحل _ تقصد المحل اللي واقف قدامه _
قلت لا أنا زبون
قالت تكفى ساعدني أبونا نزلنا ودخلت بطاقتي في جهاز الصراف وأكلتها وأنا ما معي كاش
الله يخليك زواج إختي الليله وأبي أشتري بعض الأغراض
قلت طيب دقي على زوجك يرجع لكم
قالت دقيت عليه وجواله مقفل
قلت بصراحه مالك إلا تنتظرين زوجك إلين يجي ياخذكم
وإلا روحي كلمي أي حرمه تساعدك انا ما معي شي<<< عطاها من الآخر
المهم حاولت فيني مالقت فايده
عطتني ظهرها وراحت لثنتين واقفات بعيد عنا ومشوا مع بعض ]

هذه القصص غيض من فيض
ترسم خطوط خطر قادم
عنوانه كله يهون لعيون الفلوس
والمشكله إنهم ناس واضح عليهم النعمه
ليش ينزلون أنفسهم لمثل هالمواضع
هل حبهم للمال غلب على عزة أنفسهم؟
وإلا وراء الأكمه ما ورائها من تحقيق بعض الرغبات تحت ستار العوز والحاجه
هل مرت عليكم مثل هالحالات؟
وكيف كان تصرفكم معها؟
أترك المساحه لكم
الموضوع منقوووووووووووووووووووووووووول