عصابة حسب الله طلعت ببيتي الحقوووني

السلام عليكم

يبنات انا عندي بنت عمرها 6 سنوات ومن طلعت سنونه وهي تعض وتضرب

كبرت وزاد شرها الله يهديها كل ماتكبر كل ما تزيد واحرجتني بالناس


لما صار عمرها 3 سنوات عضها قوي وشخصيتها قويه ماشاء الله

بس هالشي خلاني اكره شخصيتها لان ضربها قاسي وقوي

انا مااتعامل معها بالضرب ابد بس ابوها يمكن ضربها مرتين وهي صغيره


المهم يوم بدت تهدي شوي الحين صار عندي ولدين جبتهم ورا بعض بسم الله عليهم

الكبير عمره سنه وثمان شهور والصغير عشر شهور

الي عمره سنه هلكني بالضرب يمشي ويضرب ويعض الي كبره والي اكبر منه حتى انا يضربني

ويضرب اخوه الصغير كل ماجيت والاه يسحب شعر اخوه بااقوى ماعنده والا يمشخه واذا صار يضربه يعض على اسنانه يصر عليهم بقوه

والله كم مره انحرجت من الناس بسبت بنتي الكبيره والحين ولدي صرت انحرج من الناس اذا جو عيالهم مضروبين او فيهم ختمات عضاته

المهم الحين الصغير بدت تطلع له سنون وصار يعض بعد :44:

وعضاته تطير العقل وهو عمره عشر شهور بسم الله عليه بس من كثر ماينضرب صار اي احد عنده يعضه ويضحك

الحقووووني مع هالعصابه وش اسوي

والي بتقول لي البلا مني وش اسوي انا وشلون اتعامل معهم :09: