عُصارَة تجارُبك في الحَياة .. بماذا تنصحين الآخرين وماه هي الدروس التي استفدتيها؟

أب لي =(

بانتظاركم ..

لي عودة

موضوعك كان بخاطري واعتقد كل اخت عندها الي تفيد به الاخريات

وخوذها مني لاني خبصت الحياه


*أكبر غلط اننا نربط حياتنا بأشخاص لان الدنيا ماتدوم والاعمار ماتدوم وهالناس مايدومون فنتفاجأ بيوم
اننا خالين وتبدا الالام والهموم تعصف فينا..اربطي قلبك بالله...والناس حطي ببالك انهم ماهم دايمين الدايم وجه الله-سبحانه- وعامليهم باحسان

وماقصد ماتعطينهم من قلبك ومشاعرك لكن كل المقصد الدايم وجه الله....


*لاتبخلين على احد بمشاعرك الحلوه لانه أنسان والكلمه الطيبه حسنه,وبيجي يوم والكل يغادر هالدنيا ولا باقي لك الا عملك وذكرك الطيب


*لاتضيعين جمال عمرك بالنظر للي مو عندك واكاد اقسم بعد سنوات تتمنينها ترجع..شوفي وش عندك وحاولي تستمتعين بحياتك
كل لحظه بما لايغضب ربي عليك لان العمر عمره مايعود


*عمر الشباب في فرص عظيييييييييييييييييييييمه لاثبات وجودك بالأمه ككاتبه وأديبه واعلاميه اسلاميه وناشطه اجتماعيه
وغيره وغيره لاتفوتين الفرصه الفرص ماتعوض وكوني شي وانتي بشبابك
وصدقيني هالفرص ماسبق كانت بوقت مضى يعني هي فرصه لك


*الدنيا تتغير وحنا طبيعتنا عاطفيه جدا...فلما يتغير شي باخلاق الناس او طباعهم او غيره نتأثر ونقول ليه وليه
وبقولك شي ركزي على حياتك اكثر من تغير الناس لان بكذا بتستنزفين مشاعرك بقوه ولا تستفيدين شي
خليك هالقوه العاطفيه دافع لك لتطوير ذاتك وعادةا لي مثل كذا عندهم قدره على الكتابة الأدبيه
فاستثمري هاللحظات بالكتابه يكن تطلعين بكتاب

*عجلي وانجزي طموحاتك المتاخره لان مافي شي يستنى ...........................................


*مالك الا الله تروحين تجين تطيرين توقعين وعشان كذا حبيه اكثر شي

*لاتطالعين بعيوب ونقص حصل لصديق او قريب او انسان فكلنا ذو نقص...خلي الخلق للخالق ومشي بالمعقول
وماأقصد تمشين كل شي لا,لكن بعض التغاضي لابد منه عشان تمشي علاقاتك وانتي بعد لو الناس مايمشون لك كان صارت علوم
باختصار كلنا ماحنا ملائكة فلا يظن شخص منا انه احسن شخص بهالدنيا يمكن تغلطين وانتي ماتدرين!
فاعذري يعذرونك الناس.

وكثير ولي رجعه بإذن الله


<===عجبها الموضوع

لا تثقين بأى احد

ولا تنتظرين ناس تطور فيك وتغير انتى غيري بحالك وخليك قووويه و واثقه

اختارى خيارات صحيحه بحياتك عشان ما تندمين و وازني الامور

عاطفتك لا تطغى على عقلك

لا تثقين برجل وكونى حذره وذكيه ولا تصيرين مغفله

اممممم ايش بعد

حطي حدود لعلاقتك عشان ترتاحين بحيث ما احد يتعدها وينكد عليك

حطي اهداف بحياتك وخليك شخص منتج بالحياه

لا تخلين احد يتدخل بحايتك وعيشيها زي ما تبين

لا تسامحين اي احد يكذب عليك لانو راح يكررها كثير ويستغفلك
وبس ...