بنتي نصحتني وحده اعطيها مخلوط كمون وكراويه(شاي) بصراحه ارتاحت احسن من اول,,وجبت لها نقط من الصيدليه لالام المغص تعطى مره باليوم ..
بالنسبه لي سويت نصيحه وحده من البنات الله يوفقها واستعملت (مــره مطحونه+ المطهر الاحمر المعقم) حطيتهم بفنجان مع بعض وبعد ماتوضا واتنشف احط شوي بقطنه عالخياط
وبصراحه ارتحت كثير اول كنت احس بشد والم زي النبض تحت ومقدر اجلس..بس الحمدلله
الحين تحسنت كثير والفضل لله ثم للاخت اللي قالت لي ..
حاجه اخيره ماحب اطول عليكم بس بنات اللي قالت مويه وملح خشن..بصراحه ذاكا ليوم اللي جربتها فيه بغيت اموت من التعب الملح حارر مررره..مع انه كان لي 8 ايام والده بس اني تعبت منه مررره..مدري يمكن هي نفع معها ويمكن ماناسبني مدري لكني تعبت فيه كثير..
----
بنات..مين تعرف خلطه او شاي للنفساء يساعد في نزول الدم اعزكم الله..انا بصراحه خفيف جدا وماهو دم احمر..مدري طبيعي او لا..

في ناس نصحوني بالقرفه والزعتر مع بعض كشاي؟؟لكني ماجربت ماعرف..ولا تقولون لي الاعشاب المجمعه بالعطارة ترا ماقتنع فيها ابي حاجه مجربه فعلا عشبه او عشبتين كويسين؟
--
وبالنسبه للكرشه والخطوط والبلاوي هههههه وش بنسوي فيهم؟؟

مرحبا ياامهات 2006 ........في البدايه اشكرج اختي الفراشه الماسيه على هالتجمع والله انتي شايلتنا شييل وماتقصريين

واحب اهني وابارك لكل خواتي الي ولدوو واتحمد لهم عالسلامه ...

اما قصه ولادتي فهي كالتالي :
في يوم 27 \1 كنا معزومين عند اخت زوجي عالغدا ..وعادي انا رايحه ومافيني شي وقاعده اجرب كل اصناف الطعام ..المهم بعد الغدا حسيت ان نزل على شي حار شووي الا احس بماي ينزل علي ومب عارفه اوقف ول اقعد وانا منحرجه اني في بيت الناس وبسرعه لبست كوتكس قلت يمكن اسووي كنترول ...لكن لا كنترول ولا ريموت ...وزوجي ابد قاعد بكل بروود هو واخته ويضحكون علي وانا ودي اصفقهم ....وبعد ماتكرم زوجي وطلعنا من بيتها رحنا عالعياده الخاصه لكن الدكتور مسافر ......بغيت اصييح وقالولي في دكتوره ثانيه وجات الدكتوره وسوت لي سونار قالت المويه نازله والرحم فاتح 2 ونص ...قلت 2 ونص زين والله وانا مافيني عوار
المهم ظليت لحد الساعه 8 المسا طبعا خلال هالفتره شربت جف مريم ومادري شنو واكلت تمر وتميت امشي بس مافي فايده لما رحت المستشفى فحصني الدكتور قالي تووك 1 سم ..!!!! قلت وين الي قالت 2 ونص ..المهم لحد الساعه 11 فالليل بدا الطلق وبدا الالم وبدا العوار وبدا الوجع لدرجه من كثر الصراخ كانت المريضه الي جنبي نايمه وقعدتها من نومها
واصارخ ابي ابره الظهر ابي ابره الظهر ودوني الولاااااااااااده ابي ابره الظهر

المهم ودوني غرفه الولاده على الساعه 12 بالليل وعطوني ابره الظهر وكنت ميييييته خووف واهاوش كل الي بالغرفه حتى الدكتوره الي عطتني الابره بعد هاوشتها ...زين مانتقمت مني
المهم بعد ماخذيت الابره ندمت!!!!!!!!!!!!!!!!!!!!!!!! وجاني شعوووور غريب وخفت وصرت اوسوس وارتجففففففففففففففف رجف موطبيعي وظغطي ارتفع وانادي الدكتوره اقول لها ليش انا خايفه يادكتوره ؟؟ تقول لي ماعرف سئلي نفسك وتمييت على هالحال من الساعه 1 لحد 6 الصبح وانا لسه 4 سانتي والرحم مايفتح عندي عقب قالو نحط لك طلق صناعي ..واول ماحطو الصناعي ضعف عندي نبض الجنين فسكرووه على طوول ومن عقب الساعه 6 وانا اتوجع ويحطون لي الابره مره ثانيه وانا لسه في الم مستمر لحد الساعه 10 ونص الي قالو لي ولاده وتميت ادفع وادفع بقووووو لحد ماطلع ولدي احمد واول ماطلع تمييت اصييح اقول لهم جيبو لي ولدي وعقب اقوول حق الدكتوره يلا قطو المشيمه برع ....والحمد لله خيطوني بس طوولو واجد
والحمد لله انتهت رحله الولاده بنتيجه ولد حلو مثل القمر وفقر الدم

وسلامتكم

:انا ولادتى الاولى كانت ماساه لكن ما نقول الا الحمدلله على كل شى المهم كان يوم خميس قمت للحمام الله يعزكم الساعه 6 الصبح الا واحصل العلامه من غير اى الم او مويه قلت ولاده 100 بل100 :) قمت وتروشت وستشورت شعرى كل هذا من الفرحه مادريت وش مخبالى :30: وبعدين تجهزت كل هذا ومافيه اى الم (جالسه استنا على بالى كل شى بيصير بساعه :D )المهم جانى النوم ونمت ويوم صارت الساعه 11 واصحا على الم مره خفيف قلت لمى قالت ولاده بس لازم نشوف الطلق كل قديش يجى واجلس احسب اول كل نص ساعه بعدين صار اقل الين صار كل 10 دقايق قالت امى لازم نروح المستشفى رحنا وكانت الساعه2 الظهر ودخلونى على غرفه المراقبه المهم لقو الطلق مره حامى بس الرحم مو مفتوح غير 1 سم قالو الممرضات قومى امشى :30: (امشى كيف والطلق نار نار :icon33: ) وقومونى غصب وامشى وتجى الطلقه والصق بلجدار من الالم وامشى ويتسلط على الحمام الله يغزكم لان الراس يضغط على المثانه ومافيه كل 5 دقايق وانا رايحه الحمام (لاحول الاقيها من الطلق والمشى ولا من الحمام الله يعزكم) قلت خلاص ما اقدر جت الممرضه تكشف على قالت لسا الرحم مفتوح بس 3سم :icon33: وانا ادعى ان ربى يهون على .كل هذا وانا ميته من الجوع قالت امى كولى تمر واكل واكل ما دريت الا وارجع كل الى اكلته الله يعزكم قالت الممرضه الرحم مفتوح 4سم يالله على غرفه الولاده كان وقتها المغرب ودونى غرفه الولده وتقولى يالله وقعى على ابره الظهر وانا رافضه قالت ترى بعد كذا ماتقدرين تاخذينها قلت ميخالف ابصبر وجابولى الكمام واخذته المهم قالت القابله بنركبلك قصدره علشان الحمام الى ابلشتينا عنده :D بعدين قالت بنحاول نسرع الولاده لانه طلقك مره حار والرحم مافتح عندك غير 4 سم قلت سو الى بتسون المهم ريحونى وفتحو مويه الراس وما امداهم يفتحونها الا ونبضات الجنين تقل وقامو يصارخون لا تدفعين لاتدفعين وانا اصيح من الخوف واقول ماسويت شى هو يدفع نفسه لدرجه ان الدكتوره دخلت يدها توقف نزول الراس قالو عمليه عمليه ويسحبونى بسريرى على غرفه العمليات وتجى الممرضه معها ورقه تقول وقعى بغيت اتوطا بطنها انا بيش ولا بيش واشخبطلها شخبوطه وتضف وجهها هذا كله كانت الساعه 9 الا 10 والقا الناس مخترشه فوق راسى الممرضات يعقمون بطنى والاخصائى ماسك المشرط ويقول لا تخاافين لسا مافتحنا بطنك ودكتور التخدير يقولى قولى اشهد ان لا الله الا الله وانا اصيح ابموت :icon33: وخلال ربع ساعه ولدونى قمت من البنج الساعه 10 يقولون مبروك جبتى ولد والحمد لله كان طيب مافيه الا العافيه .
ادعولى ان الله يسهل ولادتى هذى لانهم بيولدونى طبيعى الا اذا جد جديد الله يسهل اسفه طولت عليكم == ما بغيت اخلص :D

طيب ياليت كل وحدة تقول كيف تعتني نفسها في فترة النفاس
انا ولدت فبل 18 يوم>> ان شاء الله أكتب قصة ولادتي بعدين مالي خلق الحين

مرحبا امهات ، اخباركم ..
مبروك للكل مره ثانيه .. وعقبال الباقي ينضمون لنا ..
أنوار أخبارج ، انا بعد سمعت عن المره إنها زينه حق الخياطه ، وقلت بجربها لأنها مشدوده عندي وماقدر أقعد ..
بالنسبه لبنتي ، انا اعطيها ماي تمر ، وايد زين حتى ينظف البطن ، أخذ تمره وحده وانقعها في شويه ماي مغلي ، عقب ساعه اهرسها شوي و اصفيها ، واحطها في المرضاعه ، واضيف عليها ماي حار شوي ..
اعطيها رقمين تقريبا ، تنام وترتاح ..
(الشمر): تغلين أو تنقعين ملعقة كبيرة منه وتضعيها في مرضاعة الطفل فهي تهدأ انتفاخ البطن وتهدئ آلام المعدة ودواء ناجع للمغص.
وسمعت عن الينسون إن زين بعد ..
وانا عندي فولدر مخزنه فيه حاجات النفاس وماسويت منها شي .. هههههه بكتب لكم الي عندي
أغلب الأشياء الي عندي تعتمد على الدارسين والزنجبيل ، وتستعملين رشاد مع عسل ، كل هذي الأشياء تنظف الرحم ..
والي عندها اي معلومات ماتبخل علينا ..