السلام عليكم
بدخل بالموضوع على طول
رفيجتي مو متزوجه عمرها 33 ينه متعلمه و عندها شهاده و مدلله عند ابوها و اخوانها واللي تطلبه اليوم باجر يكون عندها
مو من النوع البنات اللي يبجون على الزواج ويحاتون الزواج بالعكس اهي متوكله على الله و عايشه حياتها مهتمه بجسمها و ببشرتها و اللي يشوفها يقول عمرها 23 سنه
تقدم لها واحد بعمرها دكتور م عايله معروفه ارمل زوجته كانت انقليزيه بس توفت وعنده منها ولد والولد عند عمته اخت ابوه تربيه و مجابلته
الحمد الله اتفقوا و ملجت صديقتي
بس تقول هي صايرة لها مشكله
تقول خطيبها دتيم يوعدها باشياء و شي يوفي بوعده و مره لا و يوعدها انه يعوضها و هي مقدرته و مقدره ظروفه لانشغاله بمهنته و لمسؤولياته في البيت
مره طلبت منه شي ضروري يسويه و لما جا الموعد ما سواه و عصبت صديقتي و تنرفزت و من العصبيه قالت له (الله ياخذك) بعدين لما خدت اتصلت فيه و تاسفت بس هو كان حيل زعلان المهم عدت السالفه بعد ما تفاهموا
المره الثانيه همن طلبت منه شي مهم جدا و ضروري يسويه و ما سواه قالت له ويا وجهك
و عصب عليها وقامت تتصل فيه تعتذر بس تقول يكلمها برسميه و بدال ما يناديها باسمها يقول لها (اختي فلانه)
عاد تسالني تقول اهو شنو يقصد؟ هل معناته انه بيطلق؟ او شنو يقصد مع انه ما جاب لها طاري الفراق ولا الطلاق
وارجوكم اللي بترد ترد بدون سب و غلط لانكم ما تعرفون البنت و الله انها ذهبه بس مادري اشصار لها عقب الملجه صايره عصبيه بزياده و مالها نفس
SAROOONA @sarooona
عضوة مميزة
يلزم عليك تسجيل الدخول أولًا لكتابة تعليق.
انا وحدي في الكون
•
الله يعينهااا
,
كل شي يجي بالاسلوب ..
كيف تعامله كذا وهم ف الملكة اجل لا صارو ف بيت واحد بتضربه !!
الله يصلحها لازم تتعلم تحترمه اكثر من كذا ..
كل شي يجي بالاسلوب ..
كيف تعامله كذا وهم ف الملكة اجل لا صارو ف بيت واحد بتضربه !!
الله يصلحها لازم تتعلم تحترمه اكثر من كذا ..
الصفحة الأخيرة