عصبية زوجي ..ساعدوني

السلام عليكم ورحمة الله ..
تحية للجميع..
راح أبدأ بدون تمهيدات ..
انا متزوجة مما يقرب من السنة ..ومشكلتي زوجي عصبي مرررررررررررررررة..
ويحب دايما يشعر انه السيد الآمر الناهي في البيت..
أكتب لكم ووالله الدنيا ضايقة في عيني من موقف أمس صار لي وياه..
تخيلوا ..زوجي اللي ماني مقصرة معاه في شيئ..أخذني وأنا في الشهر التاسع وعلى وشك ولادة لعزيمة في بيت أحد عيال عمه..وافقت على مضض علشان ما يعصب ..ويقول انت ما تبين تروحين لهلي..
المهم يا بنات..
ذهبت معاه ..واحنا رايحين قالي يمكن ينادوني عمل _هو عسكري_ فيمكن أخليك عندهم الى آخر الليل بعدين أمرك آخذك..طبعا الناس اللي احنا رايحين لهم في مدينة ثانية تبعد عن مدينتنا ساعة الا ربع تقريبا..وقلت في نفسي أكيد ما راح ينادونه في مثل هالساعة ..
المهم يا بنات ..
بعد ما حطوا العشاء وتعشينا..وراحوا الناس الموجودين حوالي الساعة عشر ..
أخبرتني زوجة المضيف أن زوجي أرسل رسالة لزوجها انه منادينه عمل ..وراح يمر يآخذني آخر الليل ..
أنا انقهرت لأنه ما دق على جوالي يعلمني..!!!!!!!!!! بس بلغ زوجها..
المهم..
سمرت مع أصحاب البيت..سولفنا..وهم والحق يقال بنات طيبات..
الساعة الواحدة دق يقول لي انه عند الباب..
لبست وطلعت له..
في السيارة قلت له وين كنت ؟؟؟
قال لي انه راح العمل وما لقى عندهم عمل وجلس يلعب بلوت مع أخويااااااااااااااااااااه!!!!!
عاد بعدها ولعت..قلت ..أنا أظنك في العمل وأثاريك لاطعني الى الساعة وحدة عند الناس وانت قاعد سمرة مع أخوياك بلوت!!!!!
طبعا ..زعلت وبرطمت لأنه عصب ..وصرخ في وجهي..
جلسنا طول الطريق ما نتكلم..
ويوم وصلنا البيت على الساعة ثنتين الليل ..
طبعا قد يصرخ ويعصب ولبس ملابسه وراح عند أخوياه في شقة العزابية !!!!
عاد أنا طرطعت ...
قمت قفلت علي غرفة النوم..
ونمت الى الساعة الخامسة صباحا ..شرف حضرته..وفتح علسي باب الغرفة لقاه مقفل ..
قام يطق على الباب بقوة..وخفت ان الجيران يسمعون..
اسشتمر يضرب..فتحت الباب..وعينكم ما تشوف الا النور..
تهزيئ..وسب ..ومرمطة ..
تخيلوا قال لي من جمالك تقفلين عليك الباب!!!!!!!!!!!
وكانك تبين تروحين لهلك روحي بالطقاق عاااااااااااااااااادي..
شوي ..
رجع لغرفة النوم على صلاة الفجر وقال لي...قومي زيني فطور لي...
طبعا هو يصرخ وأنا أرد بهدوء..
ما تستاهل..
لا تصرخ الجيران يسمعونا عيب
وهو يزيد..ويقول انني متكبرة ..وشايفة نفسي ..ولا أكلمه الا من طرف خشمي !!!!
المهم..
جلست أقول له تعوذ من ابليس تراه راكبك...ورفض يتعوذ..
ومصر اني أسوي له فطور..وعصيدة بعد...!!!!!!
قمت وصليت..
ورجعت للسرير..
بدأ يحاول أن يلطف الجو..
وأنا أقول له شايفني طفله ..تزعلها ,,بعدين تراضيها بكلمتين..وانت أهنتني ..
قال هذي مش اهانه ..الاهنانه اني أحط راسك تحت نعالي وأدوس عليك!!!!
تخيلوا التخلف يا بنات..
السب والصراخ..والتهزيئ..عنده مش اهانه..!!
والله تعبت منه..يابنات ..
وقمنا الظهر قال ..يامره,,هيه..قومي البسي علشان نروح مطعم..._أنا يا بنات دايم أقول له ما أحب تناديني يامرة يا هيه ..اعتبرها اهانه وهو متعمد علشان يهيني ..
المهم لبسنا رحنا المطعم وأنا مبرطمة ومبوزة ..وزهقانه..وهو يحاول يلطف الجو..وأنا ماني معطته وجه..
صراحة يا بنات كل اهاناته كوم وقولته لي روحي لهلك كوم..
دمرتني والى الآن مألمتني..
المهم..بعد المطعم..وداني بيت هلي وقال انه رايح مشوار بيرجع في الليل يآخذني قلت له..
عادي يفضل تجلس اسبوع ما فرقت معي ما أبغى أشوف وجهك..!!
وبسسسسسسسسسسسس
وش رأيكم؟؟؟؟
أرجو أن تنصحوني من قلب..
مع العلم والله يا بنات اني عجزت معاه..وأدلعه..وأطبخ له ..وأقوم بواجباتب معاه على أكمل وجه..
وينسى في لحظة غضب كل اللي سويته له..
وش الحل؟؟؟؟!!!!!!

زوجي من النوع اللي يعصب بسرعة ويرضى بسرعة...